دا حلم .. رسائل طمئنة وحاسمة من الرئيس السيسي بشأن صندوق هيئة قناة السويس:  هدفه توفير السيولة اللازمة لمشروعات الهيئة.. ومراقب من أجهزة الدولة.. والصناديق دي كلها محدش يقدر يصرف جنيه إلا بالرجوع ليا

هيئة قناة السويس، بالله العظيم ده حلم الناس

بلد زي حالاتنا لازم يكون فيه أوعية على جنب

أرباح قناة السويس منذ عام 1975 بلغت 220 مليار دولار

لو حد كان شال 10% من الرقم دهكان النهاردة معانا50 مليار دولار

الصندوق دخل البرلمانعلشان يديله حصانة ما حدش يقدر ياخد منه

فيه فرق بين دخل القناةوأنه عندها أموال سايلة حوالي 200 -300 مليار

الصندوقهدفه توفير السيولة اللازمة لمشروعات الهيئة

الصناديق دي كلها محدش يقدر يصرف جنيه إلا بالرجوع ليا

تناول الرئيس عبد الفتاح السيسي، خلال افتتاح مصنعى إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأبو رواش بمحافظة الجيزة، الأزمة المثارة حول قناة السويس في الأيام الأخيرة، وشائعات بيع المجرى الملاحي.

الصندوق الاستثماري لهيئة قناة السويس

وقال الرئيس السيسي:"مش انتوا من كام يوم حصلت موجة كبيرة جدا على الصندوق الاستثماري بتاع هيئة قناة السويس، بالله العظيم ده حلم الناس.. لازم تعرف الحكاية، لما جه الفريق أسامة في 2019 بقوله قولي عندك أموال إيه؟ قالي أنا ماعنديش حاجة.. قلتله يعني أنت لما تيجي تعمل مشروع تطور بيه قناة السويس هتعمل إيه؟ قال هروح لوزارة المالية.. ولا بأس لأن ده النظام، قلتله في البلاد اللي زي حالاتنا اللي ظروفه الاقتصادية ما تستحملش، لازم يكون فيه أوعية على جنب والكلام ده عملته في وزارة الصحة".

قال الرئيس عبدالفتاح السيسي، إن أرباح قناة السويس منذ عام 1975 بلغت نحو 220 مليار دولار، معقبا: "بتكلم عن الافتتاح الجديد سنة 75 قناة السويس جابت 220 مليار دولار، لو حد كان شال 10 % من الرقم ه وحطه في صندوق، كان زمان النهاردة بنتكلم معايا 50 مليار دولار.. لكن يدخل يعمل تطوير في القناة ما عملوش.. يدخل مع حد مشروعات ما عملوش..عاوز يعمل خدمة مجتمعية متقدمة لمدن القناة ما فيش.. قلتله لا ما ينفعش الكلام ده".

وأضاف الرئيس السيسي: جه الدكتور معيط والدكتور مصطفى .. لا يا أفندم والنبى إرحمنا والفلوس اللى هتخصمها علشان الصندوق مش هنقدر، قلتله يا دكتور مصطفى افتكر لما جت أنت والمهندس شريف الفلوس بتاعتك ما تتحولش وقلت خليها عندك في وعاء، وكنت متحمس للفكرة، وجه المهندس شريف ووزير المالية قلتلهم اسمعوا كلامي وهتشوفوا، دلوقتي وزارة الإسكان بقت بتشتغل بـ 8 مليارات جنيه في الشهر.. وزارة الإسكان وهيئة المجتمعات بتشتغل بـ 8 مليارات جنيه في الشهر، بلد عايزة مليون وحدة سكنية في السنة يبقا الوزارة دي تعملها 400 ألف والقطاع الخاص يعمل شوية كمان معاه علشان ميبقاش اللى إحنا شايفينه في العشوائيات".

حصانة برلمانية

وتابع الرئيس السيسي،:" أمال الصندوق دخل البرلمان ليه؟.. علشان يديله حصانة برلمانية ما حدش يقدر ياخد منه ولا يتصرف فيه طبقا للمعايير اللى تم التصديق عليه بيها والقواعد اللى اتحطت وأجهزة الدولة الرقابية تفتش عليه وجهة سيادية مسؤولة عليه برضه وكل حاجة.

قال الرئيس عبدالفتاح السيسي، إن دخل قناة السويس 70 مليارا، .. ناس تقول طيب فين إحنا؟ استنوا عليا!!.. الدولة غلبانة قوى، أنا أسف إن أقول كده، إذا ما كنش نحرم نفسنا ونعمل مش هتتعمل..والله العظيم أنا صادق معاكم، وبقول كل كلمة وربنا سبحانه وتعالى شاهد عليا، وربنا وحده اللى هايحاسبني ويكون ليا أجر ورضا على اللى إحنا بنعمله".

أضاف الرئيس السيسي: مش هننفع نمشى بالطريقة اللى إحنا بنعملها .. لازم يكون فيه أوعية موجودة وهي بتتعمل صعبة شوية، ما هو الكلام ده بيتاخد من وزارة المالية، لما بتخش الوزارة ما فيش أمل لازم تخلص، لكن أخليها في الصندوق هو بيقعد يفرك في المالية والحكومة".

طرح شركة قناة السويس في البورصة

تابع الرئيس: "لو هيئة قناة السويس عاوزة تخش في مشاريع تمويل أرباحها 500 مليون في الشهر، طيب السنة اللى جاية ممكن تعمل مليار في الشهر والسنة اللى بعدها يبقا مليارين واللى بعدها يبقا 3 مليار في السنة، مش أنتم قولتولي في رقابتك؟ .. وأنا والله العظيم بحاول أعمل على ما قد ما ربنا يقدرني".

وأضاف الرئيس السيسي: "الناس عاوزة تعرف وتطمن أنه ما يكونش فيه حاجة غلط أو هاتبقى غلط".. مش هنقول أن كل من اتكلم أنه مغرض .. وفيه ناس خايفة.. والخوف بقا سمة موجودة عندنا.. ومش ما صدقين أن إحنا ممكن نعمل، وإن شاء الله هنعمل وهنعمل ".

تحدث الرئيس عبد الفتاح السيسي، عن طرح شركة قناة السويس في البورصة، قائلا: "قولنا طرح شركة قناة السويس في بورصة للمصريين فقط.. علشان كلها من المصريين فقط وتشتري الأسهم دي.. فيه فرق أن أقول دخلها كده وأنه عندها أموال سايلة حوالي 200 -300 مليار.. ده حاجة تانية.. ده مستوي أكثر من الموجود".

أضاف الرئيس السيسي:"مش بتقولوا فيه مشاريع تتعمل قد تؤثر على دخل قناة السويس في يوم من الأيام.. ده يخليني اعمل ده.. التأثير قد إيه.. ده كلام نظري خالص بس برد عليه.. يبقي عندي دخل.. وأعمل مشاريع تانية وشركات تانية.. بالفلوس والتدفق المالي الشهري ادخل في مشروعات مثلا 500 مليون في الشهر.. أو أكثر من كده.. خلي بالكم".