هروح لـ الإطفال أفرحهم وهتبرع.. عمر كمال يطلب انقاذ مستشفى 57357 من الإفلاس
حرص المطرب عمر كمال على تقديم الدعم لـ مستشفى 57357، بعد اعلان افلاسها بسبب وجود أزمة اقتصادية، مشيرًا إلى أنه قرر أن يذهب إلى المستشفى ويجلس مع الأطفال.
وقال عمر كمال في فيديو له عبر حسابه الشخصي بموقع التواصل الاجتماعي “انستجرام”: شوفت مباردة الفنان عمرو يوسف عن مستشفى 57357، أنا مكنتش أعرف إن المستشفى لقدر الله تتقفل أو بتفلس وميكنش عندها قدرة انها تعالج الناس.
وأضاف: أنا عارفإن الدنيا مزنقة علينا كلنا وممكن يكون معاك فلوس وبردو الدنيا تزنق عليك،أنا واحد من الناس اللي قررت أروح أفرح الأطفال اللي هناك واللي ربنا يقدرني عليه هتبرع بيه.
وتابع: إن شاءالله ربنا يجعلنا سند لبعض وياريت كل الفنانين زملائي يعملوا كدة لأن البلد دي خيرها علينا كلنا ودي كمان حاجة لله، وشكرا للفنان عمرو يوسف اللي نبهنا لـ حاجة زي دي.
عمرو يوسف يدعم مستشفى 57357
من جانبه كان قد دعم عمرو يوسف ايضًا المستشفىفي فيديو له عبر حسابه الشخصي بموقع التواصل الاجتماعي “انستجرام”: “محدش طلب مني اعمل الفيديو ده بس صرح عظيم زي مستشفى 57357 بيقفل، المستشفى دي قائمة بشكل كبير على تبراعتنا، وفي فرع طنطا سمعت إنه قفل، الحقيقي بقالي فترة بسمع إن المستشفى حالتها صعبة جدًا عشان التبرعات قلت، لغاية الموضوع ما زاد فحبيت اتأكد بنفسي”.
وأضاف:”في أزمة اقتصادية وكلنا كنا بنتبرع بس دلوقتي مش قادرين نتبرع مفيش مشكلة نتبرع لو كنت بـ 1000، خليهم 500، مش قادر خليهم 100، حقيقي الجنية بيفرق معاهم اللي تقدر عليه اعمله، أنا عندي تجارب شخصية لو عندي أي زنقة فلوس بطلع وبلاقي ربنا بيبعت على طول جربتها كتير ونجحت”.
وتابع:”وشعهم صعب جدًا دي ناس محترمة وكانت عامله مجهود كبير جدًا ياريت نساعد بسرعة احنا 100 مليون”.
جوجل نيوز
واتس اب
جوجل نيوز
