ياسمين عز: الرجالة بتاكل اللي يقرب مني

أكدت المذيعة ياسمين عز أن أكبر الداعمين لها هم الرجال، الذين يدخلوا في نقاشات عبر مواقع التواصل الاجتماعي للدفاع عنها أمام الانتقادات التي تتعرض لها باستمرار.

وأوضحت "عز" في حلقة اليوم من برنامج "كلام الناس" عبر قناة MBC مصر، أنها تتابع كيف يدافع عنها معجبيها على مواقع التواصل الاجتماعي.

من أصغر حد لأكبر حد بيدافع عني

وأضافت: "بدخل أشوف مين بيدافع عني، ولا مين بياكل بسنونه اللي يقرب مني، أبقوا شوفوا سنونه في المعجم، تلاقيه دكتور، رئيس قسم، دكتور في جامعة، باحث وخبير، بتاع السوبر ماركت، كابتن الجيم، اللي بيدرس، كله، من أصغر حد لأكبر حد".

وتابعت ياسمين عز: "شفتي الرجل المصري؟ ده جوزك وأخوكي وأبوكي اللي بيدافع عني، وأنا واحدة ميعرفهاش ولا تربطه بها صلة دم ولا قرابة ولا شافها إلا من خلال شاشة التليفزيون، تخيلي النخوة والشهامة، ده الرجل المصري، جوزك".