كرم الشراقوة عدى الحدود.. مضيف طيران عزم ركاب طائرة القاهرة (فيديو)

كشف الكابتن محمد عكر مضيف طيران، تفاصيل "عزومته" لركاب الطائرة المتوجهة إلى السعودية.

وقال عكر، خلال مداخلة عبر تطبيق زووم، ببرنامج "صباح الخير يا مصر" المذاع عبر القناة الأولى، إنه في أحد الأيام منذ حوالي سنة تقريبا كان لديه رحلة من المدينة المنورة إلى القاهرة، موضحًا: "كان أغلب شغلنا في الوقت ده حج وعمرة قبل أزمة فيروس كورونا، وأثناء الرحلة لما كنت بستقبل الناس اللي طالعين على الطائرة عادتي أني بهزر مع الناس اللي طالعة وخصوصا لو كانت رحلات مصر وأعرف هما منين".

وأضاف مضيف الطيران، أنه علم منهم أن ثلاثة أرباعهم من محافظة الشرقية، وهو ما أسعده وجعله يريد تقديم أي خدمة لهم.

اقرأ أيضا:نهاية مارس.. آخر موعد لتقديم إقرارات الضريبة العقارية

وتابع: "بعد ما أقلعت الرحلة عرفتهم بنفسي وقلت لهم إنني من محافظة الشرقية، وإنني سأنفذ أي طلب يطلبونه مني.. وكنت محتاج أني أعمل اللي فوق العادي معاهم، وبالفعل عزمت كل الطائرة مش الشراقوة بس كان في ناس من الإسكندرية والقاهرة".

وأردف: "الرحلة كانت قوية جدا واتصورت مع الناس وأخدت أرقام ناس كتير جدا، العزومة كان أي شخص بيطلب حاجة كان بياخدها هو والناس كلها، وبنسبة كبيرة الطائرة كلها أخدت كل حاجة هما احتاجوها".

اقرأ أيضا:في يومها العالمي.. كيف ساهم صندوق تحيا مصر في رعاية المرأة؟

وواصل: "في العادي أن أشيل الشنط للناس مش من مهام شغلي، لكن عملت ده وساعدت الناس وكنت بتعامل معاهم بطريقة كويسة جدا لأن هما دايما وخصوصا كبار السن بيبقوا داخلين وفاكرين أن الناس اللي لابسة بدل دول هيتعاملوا معاهم بطريقة مش كويسة، لكن لما شافوا أني بهزر معاهم بدأنا نتصور ونهزر وكانوا مبسوطين للغاية، ومن آخر الطائرة كنت بسمع الناس بتدعيلي".