صبا مبارك تكشف تفاصيل نظامها الغذائي: باكل وجبة واحدة

كشفت الفنانة صبا مبارك خلال برنامج “صاحبة السعادة” على شاشة dmc، عن حبها للطعام، لافتا إلى أنها تزيد في الوزن بسهولة، مشيرة إلى النظام الذي تتبعه لفقدان الوزن.

تفاصيل نظامها الغذائي

قالت: “حاولت مع نظام الدايت اللي هو 5 وجبات وحاجات في النص صغيرة، فأنا اللي بعمله لما بعوز اخس أكل وجبة واحدة". أوضحت: “ماكلش الصبح خالص واجي على بالليل احط كل أكلي في وجبة، اللي هو الصيام المتقطع ده، أيا ما أكلت، آكل كل حاجة بس في وجبة، فمهما أكلت ماتبقاش وجبة اللي هو كتير أوي، وأبقى تقلت بالليل فأنام وخلاص، دي لما أبقى عايزة اخس بحرم نفسي أول أسبوع وبعدين اتعود”.

أنا أكيلة شوارع

ووجهت صاحبة السعادة إليها سؤالا حول أسباب اتجاهها إلى الإنتاج فى تجربة فيلم "بنات عبد الرحمن" فأجابت: "الناس كانت بتقولى أنتى ممثلة كويسة ليه تنتجى!! لكنى أنتجته عشان مكانش فيه أدوار فيها تحدى لنماذج ستات، وده عملناه فى بنات عبد الرحمن".

وأضافت: "تخنت كتير فى الفيلم حواى 13 كيلو.. انا بتخن بسرعة ، وقعدت آكل كتير عشان أتخن، وأنا أكيلة شوارع ما عدا الكبدة".وأكدت صبا مبارك أنها تعشق مهنتها التمثيل قائلة: "مش بشبع من التمثيل".