وفاء سالم: مكنتش عايزة يتقال عليا نجمة.. واتعلمت اغير مصطلحاتي

كشفت الفنانة وفاء سالم عن معني الفن بالنسبة لها، وبعض التغيرات التي طرأت على حياتها بعد تلقي العلاج النفسي، وذلك خلال حوارها ببرنامج كلمة أخيرة مع الإعلامية لميس الحديدي عبر شاشة قناة on tv.

وقالت وفاء سالم: النجومية بالنسبالي من وأنا طفلة ملهاش مكان في حياتي، وكان نفسي اعمل اعمال ليها قيمة مش يقولوا وفاء سالم النجمة، ومعرفش ليه مبقتش اشتغل واتعلمت إن أنا اغير مصطلحاتي، وعشان اتغير لازم اغير كل المفاهيم الغلط اللي جوايا.

وتابعت: حتى في الدعوة مش بقول ربنا يخده بقول ربنا يهديه، وتغيير المصطلحات بيهذب النفس، والألم النفسي بيأذي كل حاجة والأفكار مش بتبقى حقيقية، ولازم يكون في كذا خطة عشان كده مش هدي لنفسي فرصة استمتع بباقي الحاجات اللي حواليا.

وفاء سالم: كنت فاهمة إن المتعة الوحيدي في شغلي وابني

وأضافت وفاء سالم: كنت فاهمة ان متعتي الوحيدة في شغلي وفي ادهم، وبعدين بقى جوايا سلام داخلي وعلى يقين بإن ربنا العالمين هو اللي رايدلك الصح، وعرفت يعني ايه احسن القصص، وكل قصة موجودة ليها آية في الأخر.

وأستطردت وفاء سالم حديثها: نسيت حاجة اسمها ندم ودي حاجة من المصطلحات الخاطئة، واللي قدمته قميته قليلة ومش الشكل اللي كان عندي طموح فيه، وبحب اقف في الكاميرا وبحب اقول الانفعالات اللي بتكسف اقولها في الحقيقة، وانا خجولة جدًا.

يذكر أن الفنانة وفاء سالم كانت قد وجهت رسالة شكر لـ جمهور بسبب أسألتهم المستمرة عليها، بعد تعرضها لتشويه في وجهها بسبب عملية تجميل خاطئة، وشاركت وفاء سالم فيديو لها عبر حسابها الرسمي بموقع التواصل الإجتماعي “فيسبوك”: بشكركم ان انكم بتطمنوا عليا، وبقولكم ان أنا تمام والحمدلله رب العالمين ده وشي ودي ملامحي، وأكتر حاجة اتبسطت منها في المحنة دي ان حبايبي كتير ودعواتهم ليا كتير تحياتي ليكم.