«زيارة الوزير فرق نفسيا ومعنويا مع التمريض» .. نقيب التمريض تكشف التفاصيل الكاملة لواقعة ممرضات قويسنا

قالت الدكتور كوثر محمود، نقيب التمريض: "منذ معرفتنا بواقعة مستشفى قويسنا، تم التواصل مع وزير الصحة على الفور وأبلغته بالواقعة، وضرورة التحرك للحفاظ على حقوق فريق التمريض الذي تم الاعتداء عليه بشكل غير اَدمي".

زيارة وزير الصحة

وتابعت خلال مداخلة هاتفية ببرنامج “حضرة المواطن” الذي يقدمه الاعلامي سيد علي بقناة “الحدث اليوم”: "زيارة وزير الصحة اليوم لمستشفى قويسنا فرقت نفسيا ومعنويا مع التمريض".

الغلطان ياخد عقابه

وأضافت: "مطالبنا اللى غلط يأخد عقابه، بنقول الجيش الأبيض وملائكة الرحمة، مش جزاءهم يحصل معاهم زي اللى الناس شافوه في الفيديو ويتم ضربهم بالكرباج وصعقهم بالصاعق الكهربائي".

الاعتداء بشكل غير أدامي

وتابعت: "لو مش بني اَدم ميتعملش فيه كده، رغم أنهم مقصروش مع الحالة والمريضة ومع ذلك يتم ضربهن والاعتداء عليهن بشكل غير اَدمي، ميصحش من أي حد الإعتداء على التمريض، والتعدي علي موظف أثناء تأدية عمله جريمة، ومن أخطأ يجب أن يحاسب على جريمته، وقمت بزيارة فريق التمريض ورأيت الحالة النفسية السيئة لهن بخلاف الإصابات اللاتي تعرضن لها".

حق التمريض هيجيله

وتابعت: "أحترم بيان القوات المسلحة، وعارفة إن حق التمريض هيجيله، وأخدت التمريض النهاردة على جنب وقلت لهم قولوا ليا اللى حصل علشان لو لينا حق ناخده فعلا والله العظيم اللى حكوه هو اللي اتنشر على صفحات التواصل الاجتماعي، والبنات في منتهى الأدب والأخلاق وصغيرين ومحترمين، والغريب إنهم قالولي أن الشخص اللى اعتدى عليهم بيعمل تصرفات غريبة في محيط المستشفى، والأمن الخاص كمان اتضرب في الواقعة اثناء دفاعه عن الممرضات