رنا سماحة: مرضي علمني إن أهم حاجة صحة الإنسان.. وتريندات "انتش وأجري" إحنا اللي عملناها بالحديث عنها.. وبطلب من الناس تسيب منة شلبي في حالها |حوار
بدأت التنوع بـ مشوارها الفني، بعد النجاح الكبير التي حققته من الناحية الغنائية، فأتجهت للسينما من خلال “خرجوا ولم يعودوا”، ورغم أنها هي أول تجربة لها في السينما إلا أنها استطاعت أن تنول إعجاب الجمهور بإدائها المميز في العمل.. رنا سماحة الصوت العزب على الساحة الغنائية واللون المتغير بين الإذاعة والغناء والسينما.
الفنانة رنا سماحة فتحت قلبها لـ “بصراحة”، وكشفت العديد من الأسرار في حياتها الشخصية، وعلقت على الكثير من التريندات الموجودة على الساحة في وقتنا الحالي، وإلى نص الحوار:-
-في البداية.. ما هو شعورك بعد نجاح شخصيتك في أول عمل سينمائي تقدميه؟
سعيدة إني شاركت وبدأت مشوار سينما في العمل ده، لإني بحب السينما أوي وبشوفها إن هي تاريخ، وردود الفعل الإيجابية على دوري ابهرتني جدًا.
-ما سبب اختفائك عن الساحة بعد اتجاهك لمجال البيزنس وانتهائك من “خرجوا ولم يعودوا”؟
اختفائي من الساحة الفنية ملوش علاقة خالص بمجال البيزنس اختفائي كان بسبب الاجهاض والمشاكل الصحية اللي واجهتني الفترة الأخيرة كان عندي مشاكل صحية والحمد لله عدت على خير.
-ما الذي تعلمتيه من أزمتك الصحية؟
اتعلمت من مرضي الفترة الأخيرة إن صحة البني آدم دي، أهم حاجة في الدنيا ونعمة كبيرة أوي، ويمكن عشان طول ما إحنا اتعودنا عليها مبقناش مقدرين قيمتها، فالحمد لله رب العالمين على نعمة الصحة، وعلى نعمة إن إحنا قادرين نصحى كل يوم، ونتحرك على رجلينا، وشايفين الحاجات دي كلها نعم كبيرة أوي، محتاجين نشكر ربنا عليها كل يوم.
-ما هو سبب اغلاق المطعم الخاص بكِ أنتِ وزوجك سامر؟
سبب غلق مجال البيزنس الخاص بيا إناختلفنا مع الشركاء فقررنا إن إحنا ننسحب ونشوف حاجه مناسبانا، والحمد لله قريب جدًا هيكون في مفاجأة وحاجة جديدة.
-شايفة ازاي التريندات اللي ظهرت في الفترة الأخيرة مثل “انتش وأجري”؟
أنا شايفة التريندات السلبية اللي ظهرت الفترة الأخيرة إحنا اللي عملناها وإحنا اللي صنعناها بالشير والكلام عنها، احنا اللي بنكبر الموضوع وبنخليه فجأة تريند.
-تعليقك على الانتقادات التي طالت الفنانة منة شلبي بعد قرار حبسها؟
بطالب الناس تسكت بلاش نقطع في بعض كل شوية، مش شرط منة انا بتكلم في العموم ياريت نسكت مش كل حاجة لازم نقول رأينا فيها ونقطع في الناس ونحكم عليهم.
-لا يوجد انسان يخلو من الانتقادات.. كيف تتعاملي مع الانتقادات التي توجه لكِ؟
مش برد على الانتقادات باخد المناسب منها بس ومش برد، على أي شخص انتقدني مهما كان، يعتبر “بكبر دماغي”.
-وأخيرًا.. بتحضري لـ إيه الفترة القادمة؟
الفترة الجاية عندي أغنية "كان ليا صاحبة"، كلمات سلمى رشيد والحان مودي سعيد وتوزيع عمر إسماعيل.
جوجل نيوز
واتس اب
جوجل نيوز
