فيدرا عن خلافها مع الفنانة دينا: عمرنا ما كنا أصحاب.. ومسرقتش جوزها منها

نفت الفنانة فيدرا أن تكون قد تسببت في مشاكل بين طليقها الراحل المخرج سامح الباجوري، وزوجته في آخر أيامه الفنانة دينا، وفقا لقصة شائعة.

وقالت فيدرا خلال حوارها مع الإعلامية لميس الحديدي ببرنامج "كلمة أخيرة" المذاع عبر قناة ON: "أنا إتجوزت سامح لما كان عمري 18 سنة، وبعدها اطلقنا وسافرت أمريكا عشان أدرس، وإتجوزنا تاني لما كان عمري 25 سنة تقريبا، واطلقنا مرة ثانية لما كان عمري 27 سنة، وهو إتجوز دينا بعد طلاقنا الأخير بأكثر من 3 سنوات".

خلاف فيدرا ودينا

وردا على سؤال عن سبب الطلاق في المرتين الأولى والثانية، قالت: "عشان كنت عايزة أسافر أمريكا للدراسة، ومكانش ينفع أسيب جوزي هنا، وأنا مش مادة للزواج".

وحول طبيعة علاقتها بالفنانة دينا، قالت: "مفيش علاقي بيني وبينها وعمرنا ما كنا أصحاب، وأنا مش عارفاها ولم تجمعنا أي حاجة غير إنها كانت متزوجة سامح في آخر أيامه".