أحمد مراد: كل الصعوبات شوفتها في كيرة والجن.. والفن مش ريد كاربت زي ما الناس فاكرة |خاص

أعرب السيناريست الكبير أحمد مراد عن سعادته البالغة بالنجاح الكبير الذي حققه في فيلم “كيرة والجن”، الذي عرض مؤخرًا، وتجاوزت إيراداته حاجز الـ 119 مليون جنيه.

وقال أحمد مراد في لقاء خاص لـ”بصراحة”: سعيد جدًا بردود الفعل الإيجابية على العمل الحمد لله، واللي عايز يعمل حاجه حلوه لازم يكون صبور جدًا، واعتقد مفيش أي حاجه ممكن تخلي البني آدم ييئس والحاجه الحلوه دايمًا بتحتاج وقت.

وعن صعوبات العمل قال: كل الصعوبات حصلت في كيرة والجن مفيش صعوبات غير لما جات فيه، لكن استمتعت بالعمل جدًا، وبقول لكل البني آدمين اللي عايزين يشتغلوا في الفن مش بس في الكتابة إن الموضوع محتاج صبر، ومحتاج إن إحنا نكمل الطريق مهما كان صعب.

وأضاف:الفن حاجه صعبة أوي في تنفيذها، مش زي ما الناس فاكره خالص، الناس فاكره إن الفن مجرد ريد كاربت الفن أكبر من كده بكتير، فاللي عايز يعمل حاجه حلوه لازم يبقى صبور جدًا.

فيلم كيرة والجن

فيلم «كيرة والجن» من رواية 1919 للمؤلف أحمد مراد الذى كتب السيناريو والحوار، وإخراج مروان حامد، وبطولة كريم عبد العزيز، أحمد عز، هند صبرى وسيد رجب، مع أحمد مالك، على قاسم، هدى المفتى، محمد عبد العظيم، عارفة عبد الرسول، تامر نبيل، بالإضافة إلى مجموعة من ضيوف الشرف سيتم الإعلان عنهم تباعاً، فضلاً عن تواجد بعض الممثلين الأجانب.

وكان قد انطلق العمل فى دور العرض السينمائية الخميس 30 يونيو الماضى، لتصل إيراداته حتى الآن لـ46 مليوناً فى شباك التذاكر، وتوقع الجمهور زيادة إيراداته، نظرًا لتميزه فى جميع عناصر الفيلم.

قصة فيلم كيرة والجن

الفيلم يرصد حقبة مهمة فى تاريخ مصر أثناء ثورة 19، إذ يتناول العمل واقع المجتمع المصرى فى فترة الاحتلال الإنجليزى إبان ثورة 1919، ويكشف عن قصص حقيقية لمجموعة من أبطال المقاومة المصرية ضد الاحتلال الإنجليزى وقت ثورة 1919 حتى عام 1924، وذلك من خلال أبطال منسيين خاضوا معارك وتضحيات جريئة من أجل الاستقلال، لتكتشف للأجيال الصغيرة مدى حب المصريين لبلدهم وأرضهم.