شاهد أول ظهور لنورهان قنديل بعد خلعها للحجاب.. صور

أثارت البلوجر وخبيرة التجميل نورهان قنديل، جدلًا واسعًا في الفترة الأخيرة بعد تصريحها عن خلع الحجاب، وأنه يزعجها، مما عرضها للعديد من الانتقادات.

أول ظهور لنورهان قنديل

وفي أول ظهور لها بعد خلعها للحجاب ظهرت قنديل في افتتاح إحدى الشركات العقارية في التجمع الخامس، والتف الجميع عليها، وعند سؤالها عن خلع الحجاب رفضت الحديث عن ذلك.

نورهان قنديل عبر انستجرام

وكانت قد كتبت نورهان قنديل: «مش عارفة ليه كل ده حصلي، بس أنا فى ابتلاء شديد ومعنديش تفسير ولا تبرير، بس أنا كنت بمر بمرحلة حزن وضعف شديدة من قبل لبسي للحجاب وقلبي وكل حاجة فيه كانت بتحركني ناحية الخطوة دي علشان أبقى أقوى لنفسي ولبناتي وشغلى وربنا وحده بس هو اللي عالم ضميري ونيتي».

وأضافت: «بس النتيجة إني بقيت أضعف بكتير، والخطوة دي بقت محتاجة مني قوة مش عندي، أنا أكيد حزينة إني مقدرتش أكمل في حاجة بحلم بيها من سنين، وبدعى ربنا كل يوم إنه يختم حياتي بيها، وبدعي ربنا من قلبي يحببني في نفسي في الحجاب الصحيح اللي مقدرتش أعمله، وحزينة أكتر إني بعلن ضعفي وتشوشيواضطرابي اللي غلبني وسيطر عليا ومش عارفة موصلني لفين».

واختتمت حديثها قائلة: «آسفة طبعا طبعا آسفة إني دخلتكوا معايا في متاهة قرار شخصي، بس هو لأنه حاجة الواحد لازم يكون فخور بإنه يعلنها، الحجاب ملهوش أي دعوة بأي توتر أنا بعيشه، بالعكس أنا عارفة إنى أجمل بكتير وأنا لابساه، بس في فرق كبير بين إني أتخلى عنه وبين إني مش عارفة ألبسه بالشكل اللي يخليني قوية وواثقة وأد المسئولية، أو ده التفكير اللي للأسف بقى مسيطر عليا واتخلل لقلبي، ومش هحمل الناس طبعا مسئولية حاجة، بس أنا حاسة إني بمر بأزمة كبيرة وأكيد كل حاجة خير وده يقينى بربنا،س اللي اتكشفلي في الفترة البسيطة دي كان أكتر من تحملي ولأول مرة أركز في حجم القسوة اللي في القلوب، مش عارفة ليه بس أظن لعنة السوشيال ميديا أصابت قلبي، وبقيت حاسة إنه مش قادرة على كمية الصراعات اللي بعيشها بسببها ولا مبسوطة بأني شخصية عامة، أنا هعتبر كل اللي هيحصل من هجوم طبعا ده في ميزانحسناتي لأني أكيد محتاجة ده»