كمال أبورية يتغزل في ياسمين عز: أنا من أول يوم شوفتك فيه قولت عليكى حلوة بس لئيمة

أثار الفنان المعروف كمال أبورية الكثير من الجدل، خلال الساعات القليلة الماضية، بعد أن كشف عن سنه الحقيقى، وأكد على أنه يبلغ من العمر 65 عاماً الآن.

وصرح الفنان أبورية، أثناء لقاءه بالاعلامية الشهيرة ياسمين عز، والتى تقوم بتقديم برنامج “كلام الناس”، والذى يُذاع من خلال فضائية “mbc مصر” اليوم السبت، وقال:ـ “مفيش أى مشكلة بالنسبة ليا فى الكشف عن سنى الحقيقى، وده بالرغم من إن السن مش باين عليا وناس كتير هتستغرب، وده علشان أنا مش بهتم كتير بكل شئ حواليا”.

وحينما سؤل الفنان عن السر فى الحفاظ على شبابه رغم بلوغه سن 65 عاماً، قال:ـ “إستايل حياتى واحد مش باكل كتير، ولازم الأكل يكون صحى وباكل حاجات كويسة، وعلى فكرة أنا متربى فى أحد القرى التابعة لدمياط وكنت باكل سمك كتير، ولسه لحد النهاردة محافظ على العادة دى، وأحياناً بلعب رياضة بس مش كتير زى الأول”.

وتابع الفنان:ـ “وفى كتير من الناس واخدة كل حاجة بتحصل على قلبها، وكمان تاعبة نفسها على الفاضى.. بمعنى إنوا لو معندوش شغل يفضل يجرى ويقابل فى ناس ويشتكى، وده عكسى تماماً وأنا مش شكاى وبحاول قدر المستطاع إنى أستوعب الأمور، ويمكن تكون دى الأسباب اللى مش مخلية كبر السن باين عليا، ولكن ده ميمنعش إنى شايف نفسى كبرت بالرغم من إن كتير من الناس مش شايفين كده.. بس أنا فى النهاية شايف نفسى كده”.

وأضاف كمال:ـ “بجد أنا حياتى سهلة جداً وبسيطة، ومش حاسس إنى كبرت، وبحاول جاهداً إنى أحب الحياة وعايش على التفاؤل، ولكن لا يمكن أن أتجاهل سنى الحقيقى وتغيراته على جسمى فى الوقت الحالى، وكمان البنى آدم منا له مراحل فى الحياة لازم يمر بيها”.

وأنهى الفنان كمال أبورية موجهاً رسالة لـ ياسمين، بسبب سؤالها عن عمره الحقيقى، وقال لها:ـ “أنا من أول يوم شوفتك فيه قولت عليكى حلوة بس لئيمة”.