خاص| حقيقة إقامة شيرين عبد الوهاب وحسام حبيب حفل زفاف بعد ظهورهم مع منظم حفلات

كشف منظم الحفلات أحمد ياسين حقيقة إقامة الفنانة شيرين عبد الوهاب والفنان حسام حبيب حفل زفاف بعد تداول صورة تجمعه بهما عبر مواقع التواصل الاجتماعي.

وقال أحمد ياسين في تصريح خاص لـ”بصراحة”: لا والله مفيش أي حاجه من دي نهائي أنا قابلتهم صدفة عادية وكانوا كويسين جدًا مع بعض أما موضوع إقامة حفل زفاف دي مفيش خالص كله كلام فاضي.

عودة شيرين عبد الوهاب وحسام حبيب

في وقت سابق كانت قد أعلنت الفنانة شيرين عبد الوهاب عودتها من جديد إلى الفنان حسام الحبيب، وقالت شيرين عبر برنامج الحكاية مع عمرو أديب: أنا حابه أعلن عن خبر حلو .. أنا كتب كتابي على حسام حيبب أمبارح.

وأكدت الفنانة شيرين عبد الوهاب، أن صحته جيدة منذ خروجه من المستشفى الصحة النفسية.

وقالت شيرين عبد الوهاب :أنا زي البمب وحلوة خالص هو فيه حد بيحبه كل الناس دي ويبقى تعبان وأنا كويسة.

وأضافت:لسة بخضع لعلاجي النفسي ولا أحتاج لرعاية طبية وأنا كويسة وصحتي جيدة جداً.

وأوضحت الفنانة شيرين عبدالوهاب، في أول ظهور لها بعد أزمتها الأخيرة، إن قلبها متسامح، وأنها تتعافى عندما تسامح الآخرين، معلقة: مش ممكن أرضى إن أمي تبات ليلة زعلانة عشان على خلاف مع بنتها، وبتنازل عن كل حاجة.

وأضافت شيرين في تصريحات تلفزيونية، تم كتب كتابي على حسام حبيب، وبطمن الناس عليا وعايزة أعتذر لحسام وأقفل فقرة حياتي الخاصة مع الناس، لأن الناس انشغلوا بيا وسط مشاكلهم، واللي حصل ده شيطان بين 2 متجوزين والحمد لله ربنا فكها بسلام، ومقدرش أقول إن حد عملي عمل، بس الكلام ده ذكر في القرآن.