عمرو أديب عن "طالبات الإسدال": أنا مش ضد الحجاب بس ينفع ده يبقى شكل مدرسة في مصر

علق الإعلامي عمرو أديب على واقعة ارتداء طلبات مدرسة حكومية في محافظة الدقهلية «إسدال» بديلًا للزي المدرسي التقليدي.

وقال أديب في تعليق خلال برنامجه «الحكاية»، الذي يعرض عبر قناة «إم بي سي مصر»، اليوم الإثنين: «أنا مش ضد الحجاب، وكلامي ليس له علاقة بالحجاب، اللي عايزة تتحجب تتحجب، ولسنا بصدد مناقشة هل الحجاب حلال أم حرام؟ وكل واحد حر».

وأضاف: «لكن لما يكون في مدرسة مصر الطلبة لابسين لبس مش موجود في الثقافة المصرية، حتى مش هو ده شكل الحجاب اللي بنلبسه، ده شكل مدرسة، ينفع ده يبقى شكل مدرسة في مصر، إحنا بنلبس كده، دول بيتعلموا ايه، دول هيطلعوا إيه».

وتابع أديب: «هل ده شكلنا ولبسنا، دول بيفكروا إزاي، دول هيربوا عيالهم على إيه، أنا بتكلم عن مدرسة في مصر بالدقهلية، عقل البنت هيبقى عامل إزاي، المدرسة دي تابعة لمين؟».