غادة إبراهيم تثير الجدل: بلبس النقاب لما بتخن وبصلي من ورا الناس عشان عيب

حلت الفنانة غادة إبراهيم ضيفة على برنامج قعدة ستات المذاع عبر قناة اليوم، وتحدثت من خلاله على العديد من المواقف الحياتية لها وأعمالها السينمائية والدرامية، مشيرة إلى خوفها الدائم من تعليقات الجمهور، وأسباب صلاتها المخفية حتى لا يعرف الناس عنها.

وكشفت غادة إبراهيم، أسباب صلاتها في الخفاء، قائلة: « أنا بصلي من ورا الناس في الشغل أو مكان التصوير بسبب موقف حدث لإحدي الفنانات، كانت بتصلي فروضها عادي وهي فاتحة الباب وبعض المارة كانت تعليقهم قاسي ليقولوا بص عاملة بتصلي إزاي، عشان كدا لما باجي أصلي بقفل الباب عشان هو عيب فعلا في الوسط»، مشيرة إلى أن البعض يرى صلاتها على أنها استعراض».

وأضافت غادة إبراهيم: «بلبس النقاب ساعات وأنا خارجة من البيت بسبب وزني»، مضيفة أنا بحبس نفسي لما بتخن، وكنت بروح الوكالة بالنقاب اشتري قماش وحاجات للتنجيد، عشان لما باكتئب لازم أكل بدخل المطبخ أعمل طواجن، وكان الحل إني عملت شفت في 2014 وفلوس ضاعت بسبب عمليات التجميل.

وتابعت غادة إبراهيم: «قطعت شراييني بعد وفاة والدي ومقدرتش، وابن عمي جري بيا على المستشفى، ده كفر ومش حاجة جلوة، بس أنا كنت صغيرة مش فاهمة وهانت عليّا نفسي»، وماما كانت تركية وحادة جدا، لذلك قررت الهروب والانتحار.