أمل رزق عن زوجها إسماعيل كتكت: لو رجع بيا الزمن كنت طلبت منه يعملى بطولات

كشفت الفنانة أمل رزق تفاصيل جديدة فى علاقتها مع زوجها الارحل المنتج "إسماعيل كتكت" مشيرة إلى أنها لم تعمل معه نهائياً لأنها كانت متكبرة.

وقالت أمل رزق خلال لقائها مع الإعلامية ياسمين عز:أنا كنت عنيدة جداً، بس أنا غلطانة، يعنى لو رجع بيا الزمن تانى كنت طلبت منه يعملى بطولات، وبعترف إن أنا كنت غبية.

و واصلت : أنا مشتغلتش مع زوجى بسبب إن أنا كنت صغيرة، وكنت متكبرة شوية، وبحب أعمل كل حاجة بنفسى، أنا مش ناقصة إيد أو رجل علشان أخلى شخص يعملى حاجه.

وأشارت أن زوجها كان رافض فكرة إن هو يشتغل معاها، وقالت:" مكانش عايز أصلاً ينتج بطولات ليا، واستشعرت إن ده حب زيادة"، وزوجى يعتبر حاجه كبيرة بالنسبالى وكل حياتى.

وأختتمت أمل رزق حديثها قائلًة: أنا كنت بسمع الناس وهما فى البلاتوه بيقولوا دى عيلة صغيرة وضحكت علية ،وبكرة يجبلها مش عارف إيه وتلاقيه حاططلها معالق معرفش إيه وحاجات غربية كدا، ودا كلام ملوش أى علاقة بالصحة.

جديرًا بالذكر أن الفنانة أمل رزق كانت قد شاركت مؤخرًا في مسرحية زقاق المدق ، وشارك في بطولتها العديد من نجوم الفن أبرزهم: دنيا عبد العزيز، بهاء ثروت، مجدي فكري، بثينة رشوان، شمس، كريم الحسيني، أحمد صادق، سيد جبر، عبد الله سعد، حسان العربي، سيد عبد الرحمن.