علي الحجار يهاجم مطربي المهرجانات: اللي بيغنيها مهندس الصوت مش المطرب عشان صوته نشاز.. ولو غنى بجد هيتفضح
![علي الحجار علي الحجار](https://media.besraha.com/2023/8/large/5/6/948.jpg)
كشف الفنان على الحجار عن رأيه في أغاني المهرجانات، حيث أكد أنه «محتار» فيها بعض الشئ عكس الراب.
علي الحجار يهاجم مطربي المهرجانات: اللي بيغنيها مهندس الصوت مش المطرب عشان صوته نشاز
وأضاف في لقاءه مع برنامج its showtime على قناة cbc: «المهرجانات محتار فيها شوية، الراب له فورمات محفوظة، وموجودة من زمان، فأغاني المهرجانات اللي بيغني مهندس الصوت، هو اللي بيظبط صوته وصوته نشاز، ويحطه على برامج بتحسن أداء صوته».
وتابع: «متضحكش عليا وتقولي أنا اللي غنيت، وتشتهر وتعمل حفلات وبرضه بتغني بلاي باك، على فلاشة، لأن مطرب المهرجانات لو غنى بجد هيتفضح».
واستطرد: «مش هرفض المهرجانات، لأني روحت مهرجانات ناس صحابي وشوفتهم بيرقصوا عليها وحافظينها كلها، في الأول اتخضيت لأنها دوشة فأنا مش سامح لحن ولا كلمات مفيدة أنبسط من خلالها وأقول دي معاني حلوة».
وأردف: «لو سكنتي في الدور السابع في الأول هتتعبي مع الوقت هتتعودي ده نفس الموضوع في المهرجانات، لكن أنا برفض الغش لأن مهندس الصوت اللي بيغني وبرفض الأباحية كمان في الكلمات ولكن لازم المغني يكون اسمه مغني لأن المغني لازم يكون صوته حلو».
وأوضح: «لما أفضل أعود الناس على الأغاني في الراديو وفي كل الأبليكيشنز مع الوقت هيتعودوا أن ده صح مش نشاز فالزن على الودان أمر من السحر، بقالنا أربعين سنة بنسمع الناس في إذاعات عيب نقول عليهم مطربين ومطربات».