صفوة عن زوجها الثالث: كنت بشتغل رقاصة عشان أصرف عليه وفي النهاية لبسني قضية

قالت الفنانة والراقصة صفوة: "انفصالي عن زوجي الثاني كان بسبب رغبته في عدم عملي كراقصة، واتطلقت منه مقابل عدم إخباره أهلي بأنني أعمل راقصة".

وتابعت خلال لقائها ببرنامج "نص الكلام" الذي تقدمه الإعلامي راغدة شلهوب بقناة "النهار": "بعد انفصالي عن زوجي الثاني تزوجت الزيجة الثالثة، وامتدت فترة زواجنا لمدة 3 سنوات بدون علم أهلي".

وأكملت: "اتجوزت زوجي الثالث وكنت بشتغل علشان أجيب له فلوس، وهو ده اللي كان يهمه ويشغله، وكنت بصحى من النوم على الحمام وأعمل كوافير وماكيير وألبس وأطلع من الشقة على الرقص، وأرجع البيت مش شايفة وأفطر وأنام، والبودي جارد بتوعي كانوا إخواته والسواق أخوه وأخته المسئولة عن اللي شغالين في البيت، وإخواته الباقيين كانوا بيتناوبوا علينا، وكان عليا شبكة طول الوقت وعرفت بعد كده إني هبلة وعبيطة وكان بيستغلني علشان الفلوس، وبسببه لبست قضية ضرائب ودخلت القفص مع 14 واحد لو شوفت واحد منهم بره ممكن يغمى عليا، ولكن ضربات قلبي كان يسمعها اللي على باب المحكمة".