دلوقتي أنا وأنتي اتجوزنا.. حكاية قصيدة حب أبكت المدعوين في حفل زفاف البلوجر إبراهيم فرج: «لما العريس يكون شاعر»

احتفل البلوجر والشاعر الشاب "إبراهيم فرج"، بزفافه بطريقة خاصة، حيث القى شعر رومنسي يوم، جعل عروسه تنهمر في البكاء من الفرحة بعد تأثرها بكلماته، التي عبرت عن مدى حبه لها.

وظهر الشاعر السكندري، عبر مقطع فيديو نشر بمواقع التواصل الاجتماعي وهو يمسك بيد عروسه، التي ارتدت فستان أبيض أنيق، ليفاجئها لحظة الزفاف بإلقاء شعر رومنسي تعبيراً عن فرحته بليلة العمر.

من أبرز كلامات القصيدة

وكأن عيونك هي التأشيرة اللي الواحد خدها من الدنيا هي المشاوير اللي الواحد حارب يمشيها هي بيوتي اللي انا كنت اتمني اعيش فيها يا هديه قلبي من الدنيا وخير الأيام والأرض الطاهرة غيرتي في ذوقي ومزيكتي وبقيت بسمع فيروز الصبح وكلثوم في السهرة وبقيت لما الدنيا تليل بقلب علي ايدك عيل وببص في عينك واتخيل ان الناس كلها مش موجودة ومفيش في الدنيا غيرنا دلوقتي انا وانتي اتجوزنا وقعدنا لبعض في أرابيزنا ولقيت ان الدنيا اختلفت وفي غفوة من الدنيا كبرنا بس انا مبسوط .. مبسوط اني كبرت معاكي حققنا الحلم الحلمناه والوعد اللي زمان قولناه .. البيت بنناه بمودة ورحمة وطيبة وحنية وانتي!! انتي حببتي وكل ما ليا الصبرتي معايا وقولتي وماله .. بكره هتفرج مع بعض هنصبر ونستني ف والله شاوري علي النجمة هجبهالك وان كان ب ايديا هجبلك حتي من الجنة ربنا يحميكي علشان ختيني من الدنيا الصعبة لدنيا جديدة .. علشان قررتي تحطي لقصتنا نهاية سعيدة اطلبي.. اطلبي وهحقق كل التختاري وتتمني واعملي مابدالك الا انك تبعدي عني وابني معايا الايام الجاية نستحمل مع بعض شوية ونعدي المحن الصعبة البتظهر في الاول وانا قد كلامي ومتأكد انك هتوفي وعودك

فيما لقى الشاعر إبراهيم فرج قصيدته الشهير المعروفة باسم "قدام العالم يا حبيبتي بحبك"، أمام عروسه التي انهمرت في البكاء من الفرحة وسط حفاوة من الحضور. فيما هنأ رواد التواصل الاجتماعي الشاعر " براهيم فرج"، على حفل زفافه الذي حضره العديد من البلوجرز الشهير، للاحتفاء بصديقهم يوم عقد قرانه. فيما حصد الفيديو المتداول ما يقرب من 250 ألف مشاهدة خلال ساعات، من نشره بفضاء مواقع التواصل الاجتماعي.