بسمة وهبة تحسم الجدل بشأن إدمان حسام حبيب للمخدرات: مش مدمن ومش بيتعاطى

قالت الإعلامية بسمة وهبة، إنها تمتلك تسجيلات صوتية «فويس نوتس» للفنانة شيرين عبدالوهاب، لكنها ترفضت نشرها في برنامجها.

وأضافت وهبة خلال تصريحات ببرنامج «ET بالعربي»: «رفضت عرض التسجيلات، التسجيلات لا تسيء لشيرين ولن تضيف لها، ولكنها قد تضيف لي».

وأوضحت: «شيرين عبدالوهاب ضحية ومجني عليها، وإنسانة طيبة، وحسام حبيب مش زي ما الناس فاكرة، أنا عارفة قصة حسام، بس مقدرش أتكلم لأني مأخدتش إذنه، حسام يمر بشيء يجعله يغضب شيرين أحيانًا، لكنه مش مدمن ومش بيتعاطى».

وتابعت: «شيرين لازم تبعد عن مصر فترة، تستنشق هواء جديد، تعيش في بلد سنة، شيرين مشكلتها المهدئات والمنومات التي كانت تأخذها، أنا مشفتش منها أكثر من كده مليش دعوة باللي الناس بتقول، محتاجة تاخد قراراتها بنفسها، عندك حالة من الخوف بتخليها دايما حاسة إنها عايزة حد جنبها سواء كان صديقة أو أخًا أو زوجًا، هذه مشكلة شيرين إنها طول الوقت عايزة عكاز».