مصطفى بكري: صراحة الرئيس السيسي اليوم رد حاسم على المدعين الكذابين

علق الإعلامي مصطفى بكري على حديث الرئيس عبد الفتاح السيسي اليوم الثلاثاء في ختام فعاليات اليوم الثالث من المؤتمر الاقتصادي- مصر 2022.

مصطفى بكري: صراحة الرئيس السيسي اليوم رد حاسم على المدعين الكذابين

وقال النائب مصطفى بكري في تغريدة له عبر موقع التدوينات القصيرة «تويتر»: «صراحة الرئيس السيسي في حديث اليوم بشفافية بالغة هو أبلغ تعبير عن الواقع والرد الحاسم على المدعين والمشككين والكذابين».

يذكر أن أكد الرئيس عبد الفتاح السيسي على أنه يتحدث عن الحالة العامة للدولة المصرية، قائلا: "لما بنتكلم عن الحالة العامة للدولة المصرية.. دي حالة عوز وفقر.. شوفوا الناس عايشة إزاى.. طب عاوز اعمل عاصمة.. مش عاوز ادفع ومش معايا فلوس.. ولو قولت للدكتور معيط.. مش هيديني حاجة.. والدكتورة هالة تقولي هحول ومش تحول حاجة».

وأضاف الرئيس السيسي، خلال كلمته في المؤتمر الاقتصادي: «العاصمة تعمل المنشآت للحكومة ونأجرها منها.. وتتعمل عناصر جذب.. هو المطور العقاري بيصرف ازاي.. بيعمل قيمة مضافة.. علشان الحاجة سعرها يزيد».

وتابع: «لما عملنا العاصمة الإدارية كان الكلام إنها 175 ألف فدان.. والطرح إننا ننفذها على 50 سنة.. وكل الكلام اللي اتقال بعد ما الحاجة تتعمل بينسي الفكرة وبينسي أصحابها.. لا.. أنا هعملها.. ونعمل أول حاجة الجيش.. خش اعملي حاجة حلوة.. مدينة الثقافة والفنون.. خش اعمل ساحة الشعب.. خش اعملي المسجد والكاتدرائية».

وأكمل الرئيس السيسي: «قولنا نجمع تبرعات للمصريين للجامع والكاتدرائية.. والله العظيم تلاتة.. ما جالي غير 10% تبرعات للاثنين.. أنا بحلف 10% فقط.. وربنا يوفقنا ووفقنا وعملنا الاتنين».

وأشار الرئيس عبد الفتاح السيسي، إلى بناء وتجهيز العاصمة الإدارية الجديدة، قائلاً: «العاصمة الإدارية.. اتبنت منين.. ليه مش مصدقين وزيها و10 كمان منين.. طلب النمو عليها على الأقل.. مليون شقة في السنة.. نصفهم في الريف ونصفهم في الحضر».

وأضاف الرئيس السيسي، خلال كلمته في المؤتمر الاقتصادي: «طب اللي بقوله ده.. هل القطاع الخاص فيه شكل مزاحمة؟.. حجم المطلوب ضخم جدا.. والبعض مش هيكون اقتصادي ليك.. طب تعمل للمناطق الخطرة.. طبعا.. طب اسيب ابني وبنتي في الشارع كده.. والله بتكلم بجد.. مش نأكل ونعملهم.. المساعدة مهمة.. وربنا هيساعدنا زي ما بنساعد المحتاجين والفقراء».

وتابع الرئيس السيسي موجهاً حديثه للمستثمرين: أرجو ألا يكون محصلة الكلام الذى قتله لا تشجعك، لا، بل هي بلدنا كلنا، فهذه البلد ليس بتاعتى أو بتاعة الحكومة لكن بتاعتنا كلنا.

وأردف: نتيجة المؤتمر الاقتصادي تجعلنا ننفذه سنوياً هو ومؤتمرات أخرى خلونا نتقابل ونتكلم وكل واحد يقول اللي عنده.