حسام حبيب يفجر مفاجآت مدوية بشأن علاقته بـ شيرين: حاولت الانتحار .. وأخوها أخدها بدكتور معاه مطواة.. بتشرب مخدرات من زمان.. لو أنا زيها أهلي كانوا هيعالجوني.. وأنا الوحيد اللي بيحافظ على فلوسها

فجر الفنان حسام حبيب عديد من المفاجأت بشأن علاقته مع طليقته الفنانة شيرين عبد الوهاب،وأزمتهمع أسرة طليقته وذلك عبر مداخلة هانفية مع الإعلامي عمرو أديب عبر برانامج الحكاية على إم بي سي مصر.

حسام حبيب يعترف: شيرين من زمان بتشرب مخدرات

وكشف حسام حبيب تفاصيل تعاطيها للمخدرات ووصولها للمرحلة الثالثة من الإدمان، قائلا:شيرين موصلتش للدرجة الثالثة للإدمان في أسبوع لكن هي من زمان بتشرب مخدرات وأنا مكنتش موجود وقتها.

ووجه سؤال إلى شقيقها حول اتهاماته بتحويلها للمخدرات قائلا:سؤال علمي لشقيق شيرين عبد الوهاب لية لم تأخذها لمصحة نفسية قبل بيان الصلح طالما مدمنة من الدرجة التالتة.

وكشف حبيبسبب طلاقه من شيرين عبد الوهاب قائلا:اتطلقنا أنا وشيرين بسبب إصراري إنها تغير اللايف ستايل بتعها والناس المحيطة بيها تبعد كلها.

وأضاف:بعد ما شيرين حلقت شعرها رجعنا لبعض تاني من غير ما حد يعرف.. لكن للأسف رجعت لنفس اللايف ستايل تاني.

حسام حبيب: علاقتي بشيرين نقية

وقال حسام حبيب:علاقتي بشيرين نقية وعمري ما أخدت منها جنيه ولا كسبت من وراها وعملتلها سيستم لإدارة شغلها.

وأضاف: ـأنا مستفدتش من شيرين لو كنت عاوز استفيد، كنت كل شهر كنت عملت اغنية معملتش حاجة لنفسي أثناء جوازي من شيرين.

وأردف:««تحليلي إن علاقتنا دي أكتر علاقة ارتبطت بيها شيرين، وكانت علاقة عاملة زي الضمير اللي كل شوية بيزن عليها، فهي لما حصل الطلاق عملت كده، عشان تجبر نفسها وتجبرني إن العلاقة تنتهي».

حسام حبيب عن سبب إدمان شرين: اسألوا أخوها

كشف الفنان حسام حبيب، إن السبب في إدمان شيرين عبد الوهاب، قائلا:" اسألوا أخوها هو اللي كان بيتعالج زيها، أناسمعت زيي زيالناس أن شيرين وصلت للمرحلة الثالثة من الإدمان واتطلقنا لأن أنا كنت عايز أبعد عن البيئة المحيطة بها واللايف ستايل اللي هي عايزاه.

وأضاف: لو أنا السبب في اللي هي فيه كان لازم ابقى زيها، أنا اهلي عندهم أكبر مستشفيات في مصر، وكلام مش منطقي أنا لو بعمل كدا اهلي كانوا هيعالجوني أصلا، وازاي أنا كنت ببعدها عن الحاجات دي واجي انا في الأخر اللي وصلها تعمل كدا

وتابع: شيرين ربنا يشفيها عندها لسان الناس تبقى تسألها مين اللي خلاها تعمل كدا، انا اصلا مش هورث شيرين عشان اموتها واسرقها اكتر زي مبيقولوا، أنا رأي ان اللي بيدمر شيرين هو اللي عايز يحجر عليها، انا اتقالي قبل كدا من الشخص دا انه هيحجر عليها ويسحب فلوسها كلها، وانا حذرتها وقولتلها.

شيرين حاولت الانتحار

وكشف الفنان حسام حبيب عن آخر تطورات حالة شيرين عبد الوهاب، حيث أكد أنها حاولت الانتحار بعد دخولها المستشفى.

وأضاف حبيب: «شيرين حاولت الانتحار بعد دخولها للمستشفى»، قائلا «كانوا داخلين فاتحين مطواة وهما واخدينها للمستشفى ونزلوها من بيتها بالبيجامة وجرجروها على الأرض».

وتابع: «اتضربت ووقعوني على السلم وقالولي لو عملت محضر هتضرب أكتر».

وأردف: «دي واحدة لا عارفة بناتها فين ولا معاها فلوس، ورفضت تاكل طول التلات أيام، وورتنا علامات في جسمها من الضرب».

كواليس إدخال شيرين المستشفى

وكشف حسام حبيب كواليس إدخال شيرين المستشفى، موضحًا أن شقيقيها أخذ دخل عليها شقتها واتسحبت من شعرها واتجرجرت بالبجامة ومعاها شبشب.

وقال حبيب: هما دخلوا علينا وفيه شهود موجود هما اتنين شغالين عندها في الشقة واتنين من صحابنا، وأخوها دخل علينا وأخدها بالقوة،معلقًا:لا يمكن أصدق إن ده لعلاجها.

وأوضح حبيب: كنت فاكر إن شيرين اتخطفت لما أخوها أخدها لإن كان معاه ناس مش منظر مستشفى خالص دول بلطجية.

وتابع: الليلة اللي خدوا فيها شيرين من شقة التجمع الخامس اتفاجئت بواحد داخل فاتح مطواة ومعاه دكتور.. شيرين اتسحبت من شعرها واتجرجرت بالبجامة ومعاها شبشب ولا يمكن أصدق إن ده لعلاجها.. وحاولت أفصل عشان كل حاجة تتم بالهدوء وقعدوا يشتموها بأقذر الشتايم.

اللي عايشين من خير شيرين كانوا عاوزني أبعد

وقالحسام حبيب، إنه لا يستغرب تعرضه للهجوم المستمر منذ عام.وأضاف خلال مداخلة هاتفية مع برنامج "الحكاية" الذي يُقدمه الإعلامي عمرو أديب، عبر شاشة "mbc مصر"، اليوم الجمعة، إن علاقة بطليقته شيرين بدأت بالصداقة، وأنه لم يتوقع زواجه منها.

وأوضح أن شيرين استغاثت به لإنقاذها من المحيط الذي كانت فيه، مؤكدا أنه كرّس حياته لمساعدة شيرين، ولكي تسير حياتها الفنية بشكل منضبط.

وأشار إلى أن وجوده كان غير مستحب للمحيط بشيرين، مفسرا ذلك بالقول: "الحنفية اتقفلت.. كان خلاص محدش بياخد حاجة من شيرين مش من حقه". ولفت إلى أنه عند زواجهما، كان رصيده من الأموال يفوق شيرين بكثير، مؤكدا أن شيرين كانت "منتهكة ومنهوبة".

ونوه بأنه كان العدو الأول لكل من يفعل ذلك؛ ما دفع البعض لمحاولة تشويه علاقتهما. وتابع: "الناس اللي عايشين من خير شيرين كانوا عاوزني أبعد عنها.. كانوا عاوزين يمتلكوها.. وأنا بقيت العدو الأول للناس دي".