«كانوا بيجروا ورايا ويتنمروا عليا».. سوكا بطلة فيلم أبو علي تكشف سبب ابتعادها عن الفن 

حلت الشابة سارة عبد القادر ضيفة على برنامج القاهرة اليوم، الذي يقدمه كلاً منإدوارد ونانسي مجدي، وكشفت خلال الحلقة على العديد من الأسرار في حياتها الشخصية، وكواليس فيلم أبو علي الذي يعد أحد أهم محطاتها الفنية.

وقالت: "اخترت طريق تاني، كنت صغيرة وفاكرة إني بلعب مش عارفة إني بمثل، والناس جروا ورايا في الشارع، قلت خلاص اختار طريق تاني".

وأضافت صاحبة شخصية "سوكا العبيطة" في فيلم "أبو علي": "أول ما الفيلم اتعرض، المدرسة كلها جرت ورايا وقعدوا ينادوا لي، مكنتش مبسوطة عشان صغيرة وحسيت بالخوف، لكن لما كبرت فهمت الموضوع وندمت إني مكملتش".

تصريحات سوكا بطلة فيلم أبو علي

وتابعت: "وأنا صغيرة كنت فاكرة الموضوع لعب، بابا قال لي روحي إلعبي معاهم، مكنتش أعرف إني بمثل، ولما شفت الناس بعد عرض الفيلم اتصدمت".

وكشفت سارة عبد القادر سبب مشاركتها في فيلم "أبو علي" قائلة: "كنت بضرب ولد في الشارع والريجيسير شافني وراح كلم بابا، وهو قال لي إلعبي معاهم، عشان كده لما رحت عملت المشهد بتلقائية، لو عارفة إني بمثل مكنتش هتكلم كده".

سوكا بطلة فيلم أبو علي تكشف سبب ابتعادها على الفن

وأكدت سارة أن شخصية "سوكا" هي نفس شخصيتها الحقيقية كطفلة، حيث كانت تهوى ضرب الأولاد، وتذكرت الحوار الطريف الذي دار بينها وبين كريم عبد العزيز قبل تصوير المشهد، حيث اختارها من بين مجموعة أطفال حين سألها "ساكنة فين؟" لترد بتلقائية "جنب فكري بتاع البيض".

وأردفت أنها لم تفهم ما كان يقوله أثناء التصوير: "كنت مستغربة هو بيقول لي كده ليه وعايزة أقوله أنت مين؟"