عمرو أديب عن الأزمة الاقتصادية: بره الناس حاطة الحزام على بطنها سنة كمان

تحدث الإعلامي عمرو أديب عن موعد انتهاء الأزمة الاقتصادية التي يمر بها العالم بسبب الحرب الروسية الأوكرانية، قائلًا: «فى سنة كمان بايخة.. بره بيقولوا كده».

وتابع«أديب» حديثه خلال برنامجه الذي يعرض على قناة «ام بى سى مصر» أنه يجب أن نحافظ على السوق ونعدى، معلقا «يارب في فبراير كل حاجة تخلص، وكل حاجة تبقى عظيمة أو مارس أو إبريل.. لكن بره الناس حاطة الحزام على بطنها سنة كمان, الناس في الخارج بيقولوا إن الركود هييجي.. ودائرة الركود سنة ولازم نرفع الفائدة خلال هذه السنة».

عمرو أديب يوجه نصيحة للمواطنين

ووجه الإعلامى عمرو أديب نصيحة للمواطنين لتفادي غلاء الأسعار، قائلًا: «لو مفيش ماركة هات الماركة التانية، أتحدى تقوللي على شيء في مصر ملوش ماركة تانية، لو الرز ده مش عاجبك في رز تاني، البطاطس والطماطم مش عجباك في غيرهم.. البيض ده مش عاجبك في بيض تاني، والأدوية الدوا غالي ومستورد، قول للدكتور يكتبلك دوا تاني، مصر لغاية دلوقتي فيها تاني مش أولاني وبس، شكلنا هنعدي من الأزمة.. في ضوء بسيط بيقطع وكلنا هنعدى سوا».