«واكل شارب نايم».. عمرو أديب: رحلات الغردقة بـ300 جنيه إسترليني للإنجليز «ده مش تمن فاتورة كهرباء»

علق الإعلامي عمرو أديب خلال حلقة برنامجه الحكاية الذي يذاع عبر شاشة «إم بي سي مصر» على الإعلان الخاص بشأن تقديم رحلات بقيمة 300 جنيه إسترلينى أي ما يوازي 6 آلاف جنيه في 7 أيام للشعب الإنجليزى والسياحة الإنجليزية، قائلا: “ واكل شارب نايم مسافر.. يعنى المواطن الإنجليزى مبيدفعش الكلام ده ثمن فاتورة كهرباء في بريطانيا”.

وأضاف أديب:“ الغردقة تباع بـ 300 جنيه إسترلينى 7 أيام يا بلاش، لو كانوا 500 جنيه إسترليني إيه اللي هيحصل»، لافتا: «ليه وليه حرق الأسعار هو العدد في الليمون وخلاص وأين قرارات وزارة السياحة “.

واستكمل حديثه :” لما ييجوا كتير مصر ييجوا بالسعر العادل ويدفعوا ثمن كويس لأننا نستحق سعرا عادلا ولا يخسفوا مصر حقها». وأشار عمرو أديب إلى أنه «لابد أن يتم تقديم سعر عادل، لكن مينفعش الرحلة تكون 7 أيام بالسعر ده، إحنا عايزين سياحة بس مينفعش نكون واقعين ونعرض بالأسعار دى “.