حاسة إنى هرجع أقوى.. رسالة طمأنينة من حورية فرغلي لجمهورها

طمأنت النجمة حورية فرغلي جمهورها على حالتها الصحية من خلال رسالة صوتية، بعثت بها من ولاية شيكاغو الأمريكية، حيث خضعت للعملية الجراحية الأولى وكللت بالنجاح، على أن تجري العملية الثانية غد الإثنين، لتعديل أنفها للشكل الطبيعي ونحتها.

وقالت حورية فرغلي في رسالتها للجمهور المصري والعربي: «مصر الحبيبة، جمهوري الجبيب، صحابي، أهلي كل الناس وحشتوني وحشتوني، أنا بكلمكم من شيكاغو، بعد عملية عملتها يوم 8 فبراير الماضى، استغرقت 10 ساعات، أتألمت فيها كتير قوي».

اقرأ أيضًا:انفراد.. منتج «آل هارون» يوضح حقيقة تعاقده مع شيما الحاج ومنى فاروق

وتابعت: «بدعواتكم ودعوات أمى، قدرت اتغلب على الألم، وبعمل اللى الدكتور قاللى عليه، جلسات الأكسجين، علشان يحضرني للعملية التانية اللى هعملها يوم 1 مارس إن شاء الله».

وأضافت حورية فرغلي في رسالتها: «العملية التانية هتكون 3 ساعات فقط، وبدعمكم الكبير حاسة أنى هرجع أقوى من الأول، ومكنتش أعرف أن كل الحب ده ليا، رغم أنى الحاجات مكنتش بشوفها في مصر قبل كده، وبطلب منكم، أرجوكم، متخلوش الناس، تعمل حاجات مش حلوة، علشان بدخل على اليوتيوب يوميًا ألاقى خبر وفاتى، وأخبار صعبة عنى جدًا لغاية إمبارح».

اقرأ أيضًا:مصادر: جراحة عاجلة لشيري عادل بعد تعرضها لأزمة صحية

وعبرت حورية فرغلي عن حزنها من تلك الأنباء مؤكدة أنها قد تؤثر على صحتها بشكل كبير، قائلة: «الكلام ده ممكن يأثر عليا جدًا، ويأثر على كل الناس اللى حواليا، وليه الكلام ده، وحرام عليكوا، الناس محتاجة دعواتكم، وبشكر الجميع على الدعم والمحبة، والناس الحقودة اللى مش عايزة الناس تنجح، لازم يعرفوا إن الناجح هيرجع تانى، وإن شاء الله هرجع أحسن من الأول».

وأكدت فرغلي: «إن شاء الله هكلمكم أول ما أخلص العملية الثانية، علشان كنتوا داعمين ليا وكنتوا في ضهرى طول الوقت، واستنوا منى مكالمة يوم الإثنين بعد العملية أول ما أفوق».

وكانت العملية الأولى التي خضعت لها حورية فرغلي عبارة عن استقطاع خلاية جذعية وبعض العظام من القفص الصدري لوضعها في الأنف لتعود للشكل الطبيعي، ومن المفترض أن ينتج عن العملية الثانية تعديل شكل الأنف للشكل الطبيعي ونحتها، بالإضافة إلى تطور حاسة الشم والتذوق لدى، ومن المقرر أن تستغرق العملية الثانية 3 ساعات على أقصى تقدير.