صفاء جلال: جوزي وافق إني أمثل بس اشترط عليا معملش شخصية رقاصة

كشفت الفنانة صفاء جلال عن رد فعل زوجها بعد شخصية الراقصة في مسلسل “امرأة من زمن الحب”، مشيرة إلى أن زوجها قال لها أنها لن تجسد شخصية الراقصة من جديد.

وقالت صفاء جلال خلال لقائها ببرنامج “كلام الناس”: بعد ما عملت دور راقصة في مسلسل امرأة من زمن الحب جوزي قالي مش هتعملي دور رقاصة تاني.

وتابعت: هو قالي احنا هنكمل تمثيل بس بلاش دور رقاصة تاني خالص فعشان كدا معملتش دور رقاصة، والجواز عامة تفاهم واحترام وحاجات كتير لازم تبقى احنا الاتنين بنشوف ايه اللي يزعل التاني ومنعملوش.

شخصية صفاء جلال

وأضافت: دايما أول لما الدور بيجيلي لو فيه اي محاذير أخلاقية مش بعمله حتى لو بيعملي اي هوالحمد لله احنا بقالنا دلوقتي 24 سنة مع بعض

وواصلت: الحمد لله أنا مندمتش على حاجة خالص وبحمد ربنا على النعم الكتير جدا اللي ربنا مديهالي زي جوزي وبناتي وأمي وأخواتي واصحابي وشغلي، ويكفيني وأنا ماشية في الشارع الناس تقولي احنا بنحبك وبنحترمك.