أمير طعيمة: أنتش وأجري انعكاس لذوق متدني.. وبقينا في زمن الصنايعي باشمهندس

انتقد الشاعر أمير طعيمة،أغنية "انتش واجري” التي تصدرت جميع مواقع التواصل الاجتماعي خلال الأيام الماضية.

أمير طعيمة: أنتش وأجري انعكاس لذوق متدني

كتب أمير طعيمة، من خلال حسابه الرسمي على “فيسبوك”: "أنتش و أجري" مرآة لواقع احنا بنحاول نجمله، انعكاس لذوق متدني و جهل و حالة لا وعي بيشارك فيها معظم الناس بقصد او بدون قصد".

وتابع قائلاً: “الموضوع بقاله ١٠ سنين كده بيبدأ بإفيه و استظراف ويقلب لحقيقة على الارض و فكرة ليها رواد و مدافعين عنها و ناس بتتحول لأصحاب حقوق”.

كما أضاف: “احنا في زمن - مع احترامي للجميع - الصنايعي بقى باشمهندس، واللي بيفك الخط بقى مراسل صحفي، و اي حد يطلع على التلفزيون بقى إعلامي، حتى الدكتوراة ممكن تشتريها بمبلغ زهيد من دول شرق أوروبا، أما بقى لو معندكش أي مهارة مهما كانت بساطتها ففرصة عمرك تبقى فنان”.

يذكر أن شن الجمهور هجوم كبير على فريق واما، بعد نشر فيديو جديد بمشاركة أعضاء الفريق يقومون فيه بغناء الأغنية الأكثر انتشارا على مواقع التواصل الاجتماعي الفترة الأخيرة “ انتش و اجرى” .

ونشر الفنان أحمد الشامي عبر حسابه الشخصي على موقع التواصل الاجتماعى فيسبوك أغنية “انتش واجري" بطريقة جديدة وبلحن جديد.

وانهالت عليهم الكثير من التعليقات السلبية منهم ، لا اله لا الله ماتعملهوش كده ف نفسكم الأغنية وحشه أصلا بقيت اوحش.

و جاء الأخر ، يعني خلاص خلص الكلام اللي في الدنيا لما تغنوا كلمات الفن الهابط ده. مهزله والله، أما الثالث كتب ، ايه العبث ده بجد !!! حاجه تحزن لما الحال يتدهور اوى كده.