تامر أمين يدافع عن نمبر وان: محمد رمضان ذكي ويحترم الشارع وبيخلي الناس في ضهره

علق الإعلامي تامر أمين، على أزمة الفنان محمد رمضان الأخيرة، وخاصة بعد إلغاء حفلته بالإسكندرية وحفلته بسوريا، قائلا :"محمد رمضان يرد على إلغاء حفلتي الإسكندرية ودمشق، وقال عندك سلطة تلغي حفلتين بس معندكش محبتي على الأرض".

وأضاف تامر أمين، في برنامجه اخر النهار، المذاع عبر قناة النهار، مساء اليوم الأربعاء، أن :"دي شخصية محمد رمضان لما يحصل له رفض من حاجة، ونزل الشارع والشباب مغطي عربية محمد رمضان، وجاب ناس تهتف باسم محمد رمضان وحبا فيه".

وتابع :"هو ده محمد رمضان، زعلتوا منه أو حبتوا، ومش بدافع عنه ولا بهجمه، وشخصية محمد رمضان لا يحب أن يخسر جولة، ولو حصل يحاول بسرعة قلب الترابيزة، ويكسب اللي بعدها".

وأكمل تامر أمين :"محمد رمضان ذكي ويحترم الشارع، وبيخلي الناس في ضهره، وطول عمرك عايز تثبت لنا انك جامد".