صابرين: معملتش حاجة في حياتي غير الشغل وخلفة العيال

كشفت الفنانة صابرين عن أهم الأشياء التي فعلتها في حياتها وذلك بمناسبة عيد ميلادها حيث أكدت أن أهم الأشياء التي قدمتها في حياتها هو الشغل و«خلفة وتربية العيال».

وأضافت في مداخلة هاتفية مع الإعلامي عمرو خليل في برنامج من مصر على قناة CBC :«عملت 4 أو 5 أفلام وأنا عندي 5 سنين وأنا أتولدت على السينما على طول، وحياتي لو جيت بصتلها ما بين شغل وخلفة عيال.. وده اللي عملته في حياتي فقط»

وتابعت: «الشعب المصري جميل وحبيبي وأنا موجودة علشان أسعد الناس، لأن مهنتنا هي مهنة السعادة للآخر، خاصة في مصر والوطن العربي، وقدمت أعمال كتيرة زي أبوالعلا البشري وليلة القبض على فاطمة وأنا لسه صغيرة وأنا اشتغلت في ليالي الحلمية الجزء الخامس وكنت حامل في الشهر التاسع، ولما ولدت كملت المسلسل».

وعن مسلسل أعمل إيه أجابت :«لسه ماخلصناش تصوير والحمد لله المسلسل عامل رد فعل جامد مع الناس».