عمرو أديب: شايف ناس بتزق قوي علشان نأجل الدراسة انتوا شايفين التعليم مكسر الدنيا يعني

علق الإعلامي عمرو أديب، على الأخبار المتداولة مؤخرًا عن تأجيل الدراسة، وهي الأنباء التي نفاها الدكتور رضا حجازي وزير التربية والتعليم والتعليم الفني.

وقال «أديب» خلال برنامجه «الحكاية»، والذي يعرض عبر قناة «إم بي سي مصر»: «شايف ناس بتزق قوي علشان نأجل الدراسة، إحنا متأخرين جدًا، انتوا شايفين التعليم مكسر الدنيا يعني، عايزين العيال يقعدوا في البيت أكثر من كده ليه، أنا مش فاهم، هاشتاج وأخبار عن التأجيل».

وأضاف: «إجازة إيه؟! ما انتوا في أجازة بقالكم 20 سنة، ما نتعلم حبة، هتتعلموا إمتى، إحنا بنتخانق معاكوا عشان تتعلموا وبعدين ترجعوا تقولوا فين التعليم؟ أين الأولويات؟».

وتابع: «بالمناسبة في مدارس كثيرة شغالة دلوقتي، دي الناس اللي عايزة تتعلم، إنت عايز تهزر ولا عايز تتعلم، مش مسألة تعليم بس، المدرسة هي روح الطالب، ده نظام اجتماعي، انت سايبه لإيه دلوقتي؟! للموبايل والتليفزيون، ما يروح يقرأ كتاب ويبقى عنده حياة اجتماعية مع أصحابه».