قيادي بحزب النور يهاجم عمرو أديب: اتق الله يا عمرو أتريد أن يثور الناس؟

هاجم صلاح عبد المقصود، القيادي بحزب النور، الإعلامي عمرو أديب، بسبب تصريحات الأخير حول الأوضاع الاقتصادية المصاحبة للأزمات العالمية الراهنة جراء الحرب الروسية وتداعيات فيروس كورونا وارتفاع مستويات التضخم عالميًا مع تحرك سعر صرف الدولار.

وطالب القيادي السلفي أديب بتقوى الله وعدم تنفير الناس من المستقبل، إذ كتب عبر حسابه بـ فيسبوك: اتق الله يا عمرو، أتريد أن يثور الناس؟! أتريد أن يصاب الناس باليأس و الإحباط؟!.

واستشهد عبد المقصود بحديث النبي ﷺ : ( من قال هلك الناس فهو أهلكهم).

وأضاف: أليس لديك مبشرات؟! فقد قال رسول الله.ﷺ : ( بشروا ولا تنفروا ...)، نعم.. هناك أزمة أقتصادية ولكنها ستمر بإذن الله

وأتم: نسأل الله تعالى أن يحفظ مصر و أهلها من كل مكروه وسوء

وكان قد قال الإعلامي عمرو أديب:"اللي فاكر إن اللي فات لطيف اللى جاي مخيف ومش هيبقي مخيف لو حسبنا الحسابات صح".

توابع الأزمة الاقتصادية

وتابع خلال برنامج “الحكاية” المذاع علي قناة “ام بي سي مصر”:"أمي كانت تقولي من حسب الحسابات في الهنا بات وبقول للمواطن العادي الحاجة اللى مش محتاجها متجبهاش دلوقتي مش مهم تشتري عربية دلوقتي متقسطش دلوقتي، خد بالك من فواتير المياه والنور، حرام تسيب الكهرباء مولعة من غير فايدة، ظبط نفسك الدنيا زنقة، وإن شاء الله الدنيا تظبط مع المؤتمر الاقتصادي ومش هنستني الحوار الوطني اللى لسه ممكن يستني لاآخر السنة، وأرجوكم في المؤتمر الاقتصادي بلاش نبقى ناس تسمعنا كلام إحنا بنسمعه هاتوا الاتجاهات كلها".

هدف المؤتمر الاقتصادي

وأضاف:"آن الأوان نلم بقى ويبقى فيه مسئولين دماغهم متركبة علي الدخل مش الصرف، واسهل حاجة نصرف وأصعب حاجة نجيب استثمار ودخل ويبقى فيه مصانع بتزيد إنتاجيتها، ورأيي إن المؤتمر الاقتصادي مؤتمر الدخل".