فاروق فلوكس لـ "بصراحة": محمد رمضان عيل بالنسبالي ومش فارق معايا

رد الفنان فاروق فلوكس على هجوم الفنان محمد رمضان، مشيرًا إلى أنه دائمًا يُهاجم الفنانين القدام.

وقال الفنان فاروق فلوكس في تصريحات خاصة لموقع “بصراحة” الإخباري: “كتر خيره مش هتخذ إجراء قانوني ضده الجيل الجديد كله مش عارف ماله كل يوم والتاني بيهاجم الفنانين القدام فـ اللي زي ده مش هرد عليه”.

وأضاف: “كويس إني أنا أثرت فيهم وهو كل ما يزيد في هجومه عليا ده فخر ليا أنا، ده معناه إني أنا شاغله هو عيل صغير بالنسبالي ده طفل فلما يعترض عليا اي يعني مش فارق بالنسبالي”.

وجدير بالذكر، كتب أحمد فلوكس عبر حسابه الشخصي بموقع التواصل الاجتماعي لتبادل الصور والفيديوهات القصيرة “انستجرام”:شوف يا حماده، انت ترفض إنك تعمل دور صبي رقاصة لأنك دايما نمبر وان، فأكيد هتبقي عينك على دور الرقاصة نفسها، مش الصبي بتاعها.

وواصل: انت ما شاء الله ناجح في ده جدا وبتعمله سهل وانت عريان ما دريان،نمبر وان بقى يا سيدي، زي بالظبط ما يكون واحد مسجل نشل، استحالة يحلم أن يكون أمين شرطة، حلمه هيكون أكبر من كده، هيكون نمبر وان.

وأضاف:أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة.

وأختتم أحمد فلوكس قائلًا:بحمد ربنا أكتر وأكتر، إن ما خلفش واحد مسجل نشل لأن المسجل هتكون أقصى طموحه أن يكون أسطورة، وهيرقص برضه بس عريان،وبعدين مش شرط تعمل دور صبي رقاصة، ممكن تكون نجم كبير بس أخلاقك أخلاق صبي الرقاصة، وده الأخطر مع إن والله صبي الرقاصة ولا بيقهر حد ولا بيظلم حد، ولا ليه في سكك الشيوخ والدجل، ولا نصاب ولا بيحكها مع الكبار.