عمرو أديب للمواطن: حرام تسيب الكهرباء مولعة من غير فايدة الدنيا زنقة

أكد الإعلامي عمرو أديب على أن الأيام القادمة ليست سهلة، ويجب على المواطن أن يتوخى الحذر ولا يُصرف كثيرًا في الكهرباء.

وقال الإعلامي عمرو أديبخلال برنامج “الحكاية” المذاع علي قناة “ام بي سي مصر”: “اللي فاكر إن اللي فات لطيف اللى جاي مخيف ومش هيبقي مخيف لو حسبنا الحسابات صح".

وتابع :"أمي كانت تقولي من حسب الحسابات في الهنا بات وبقول للمواطن العادي الحاجة اللى مش محتاجها متجبهاش دلوقتي مش مهم تشتري عربية دلوقتي متقسطش دلوقتي، خد بالك من فواتير المياه والنور، حرام تسيب الكهرباء مولعة من غير فايدة، ظبط نفسك الدنيا زنقة، وإن شاء الله الدنيا تظبط مع المؤتمر الاقتصادي ومش هنستني الحوار الوطني اللى لسه ممكن يستني لاآخر السنة، وأرجوكم في المؤتمر الاقتصادي بلاش نبقى ناس تسمعنا كلام إحنا بنسمعه هاتوا الاتجاهات كلها".

وأضاف:"آن الأوان نلم بقى ويبقى فيه مسئولين دماغهم متركبة علي الدخل مش الصرف، واسهل حاجة نصرف وأصعب حاجة نجيب استثمار ودخل ويبقى فيه مصانع بتزيد إنتاجيتها، ورأيي إن المؤتمر الاقتصادي مؤتمر الدخل".