زوجة هشام ربيع الأولى: كنت عارفة علاقته بيها.. وبوسي اشترطت على هشام يطلقني

كشفت منة محمد، الزوجة الأولى لـ هشام ربيع؛ تفاصيل جديدة عن عودتها لزوجها بعد زواجه من المطربة بوسي .

زوجة هشام ربيع الأولى تفجر مفاجأة: وعدني هيطلق بوسي علشان ولادنا

وقالت الزوجة الاولى لـ هشام ربيع في تصريحات صحفية :" هشام وعدني إنه هيطلق بوسي، وأقنعني أرجع له عشان الأولاد.. ولحد دلوقتي مطلقهاش، ولو قرر يطلقني هتكون الأخيرة، وهتقبل أن ربنا مش كاتب لنا نصيب ويروح يشوف حياته، وهو راجع لي وهىمش موافقة وطالبة الطلاق منه دلوقتي.

وأضافت : عمري ما هتقبل وجود زوجة تانية هو فيه ست بتقبل ضرة؟.. وأنا مش بتعامل معاها إحنا من الشرقية بس هي في حتة وأنا في حتة، وحاليا كلنا متخانقين وكل واحد عايش في بيت مختلف وبوسي اشترطت على هشام يطلقني.

وأختتمت : حسيت أول ما هشام علاقته اتطورت بـ بوسي وفي الأول كنت حاسة إن فيه شخص تاني في حياته وعرفت من حد أنها بوسي، وطبعا رفضت قام مطلقني يوم الخميس ولقيته أتجوز السبت.. وكانت خناقتنا أنا وهشام على طول بسبب علاقته بـ بوسي.