دوللي شاهين لموقع بصراحة: خالد يوسف أول من اكتشفني.. الفنانين ليس لهم علاقة بالجرائم احنا مش مدرسين.. واللي قال إني مسلمة عايز يؤذيني |حوار

-خالد يوسف أول من اكتشفني وهو حر يعمل اللي هو عايزه.

-أغنية ننه هو ليست جريمة والشارع المصري كله بيقول الالفاظ دي.

-النسوان ضربوني في مسلسل المماليك ودخلت المستشفى بجد.

-أنا من أول ما خرجت قولت أنا مسيحية أنا أبويا اسمه جازاف.

-اللي قال إني اسلمت ورجعت للمسحية شخص عايز يؤذيني.

-أنا والسوشيال ميديا بدأنا مع بعض ومش بتعمد إثارة الجدل في صوري.

-السوشيال ميديا بتدخل في خصوصية الممثل وبتبص على أعماله الفنية آخر شئ.

-أنا لسه صغيرة عندي 13 سنه وبنتي عندها 12 بس.

-بحكم على تجاربي الزوجية السابقة بالفشل الذريع.

-ربنا يجحم قاتل نيرة أشرف وربنا يدوق اللي بيتعاطف معاه من نفس الكاس.

منذ الوهلة الأولى من ظهورها على الساحة الفنية، وهي استطاعت أن تحقق نجاحًا كبيرًا، وأشاد بها العديد من النجوم، ولكن حدث لها العديد من الأزمات في حياتها الشخصية فجعلتها تبتعد عن الساحة لفترة، ولكن عادت وطرحت أغنية ننه هو، ولكن واجهتها انتقادات بجانب الردود الإيجابية على الأغنية، كما شغلت ديانتها الكثير من متابعيها وترددت الأسئلة من بعدها واتهمها الكثير أنها تقصد إثارة الجدل بها.

واستضاف موقع “بصراحة”، الفنانة اللبنانية دوللي شاهين لتحسم الجدل وترد على تلك الشائعات التي تطاردها منذ ظهورها على الساحة، وتكشف عن رأيها في بعض القضايا التي آثارت الرأي العام في الفترة الأخيرة.

-في البداية.. مين كان السبب في اكتشافدوللي شاهين؟

خالد يوسف اكتشفني من خلال كنت عامله أغنية اسمها “مومو عيني”، أغنية مغربية فرنساي، وبالصدفة ابنه كان بيتفرج على الكليب، فهو كان بيدور على فنانة لبنانبة تظهر معاه، فرشحني وكلمني الفنان الراحل يوسف شاهين الله يرحمه، وعرض عليا السيناريو، ومن هنا ابتدت الصداقة، والانتقادات التي وجهت ليه مؤخرًا لا أهتم بيها، هو حر في حياته، احنا دلوقتي في زمن السوشيال ميديا في اللي عايز حاجه بيقولها، أنا مش بشغل نفسي ب اللي بيتقال عليا حتى.

-ظهورك على الساحة الفنية لم يعد مثل البداية.. ما هو سر اختفائك؟

انا اختفيت في 2013 كان عندي مشاكل شخصية، ففضلت اخد جنب اخلص من مشاكلي وارجع احارب في الفن، ومش شاغلة نفسي بالمحاربات اللي بتعرض ليها من أول ما دخلت الوسط، أنا من أول ما ممثلت وأنا بتحارب، ومش بحب اتكلم عن المشاكل الشخصية لأن مش بحب كده ومش بطلع اصرح عن اي مشاكل بتحصل في اللوكيشن خلال أي تصوير.

-رجعتي للساحة الفنية من جديد بأغنية “ننه هو”.. كلمينا عن فكرة الأغنية؟

الأغنية تأليفي ومش أول مره اتولى تأليف أغنية، أغنية سنة سعيدة، وأغنية عيوني، كنت أنا اللي كاتباها وملحناها، والأغنية دي بقى جت، كنا بنفكر عايزين نعمل أغنية، فكنا بنهزر، فخالد حمزاوي، قال انترو الأغنية اللي هيا “دخلت أنام ننه هو”، فأنا قولتله حلوه جدًا فأصريت أن الدخلة لطيفة جدًا، في هزار لطيف جدًا، الأغنية كوميدية ودمها خفيف، وبنتي قالتلي دي أحلى أغنية عملتيها في حياتك.

-تعليقك على انتقاد الموسيقار حلمي بكر للأغنية؟

أنا بتقبل كل الآراء مش بعمل حاجه وأقول ده منزل فطبيعي جدًا إن حد يقول حلوه وطبيعي إن حد يقول مش حلوه،كلام حلمي بكر على راسي من فوق، رغن إنه قال إنها جريمة في حق الفن، وهي مش ممكن تكون جريمة فهي كلحن وغنى متلحنه بشكل جميل جدًا، هي الأغنية بتتكلم عن حياتك اليومية، فده أسلوب كلامي، فأنا بتكلم طبيعي كده، فكلمات الأغنية مش بعيدة عن شخصيتي، فأنا عملت الأغنية وكأني أنا اللي بتكلم، فأنا بصحى مودي نو خالص، فصباح الخير محدش يقولي صباح الخير، فأنا طبعًا بصحى لازم اشرب نسكافيه الأول، فكلمات الأغنية عادي ده اللي بعمله في يومي.

-هل ممكن دوللي شاهين تقدم مهرجانات؟

أغاني المهرجانات لطيفة في حاجات بسمعها وفي لا، وأنا اتعرض عليا كذا مره حوار المهرجانات، وحضرنا أكثر من حاجه كذا مره، مع فرق مهرجانات، ولكن كنا لما نوصل قبل التصوير الموضوع مش بيكمل، والفن متغير عن 10 سنين فاتوا ذوق العمل اتغير والتوجه العام اتغير، والتوجه العام اتغير، فاحنا المفروض لو عايزين نكمل كفانين، نتواكب مع الموضوع ده، ونتكلم بلغة الناس اكتر، نشوف الحاجات اللي منتشرة على التيك توك ونحاول نقرب منها أكثر، أنا عمري ما رفضت عمل، والتواصل على السوشيال ميديا مش حقيقي، مش عارفين الناس دي مين، فمكنتش متقبلة أوي مبدأ السوشيال ميديا، فالمفروض نشتغل مع الحاجه اللي بتناسب، أنا من سنتين وقفت ومكنتش عارفه ابتدي منين، فعشان كنت تايه.

شاركتي مؤخرًا في مسلسل المماليك.. وتصدرتي التريند بصورة نزيف.. كلمينا عن الكواليس؟

صورتي في مسلسل الممالك وأنا بنزف، ده مشهد واحده فنانة ببقى هي بتختار مسلسل أو فيلم وهي بتختار، فهي بتخيب مع واحدة فبتبعتلها نسوان يضربوها، فواحدة مسكتني من شعري وخبطتني بجد فقولتلها ليه، وجسمي باظ وكله اللي ظهر كان حقيقي وتعبت فعلا، وبتقولي اصلا المخرج قالي اضربيها بجد، ليه دي فرق سرعات يا بابا، أنا عيطت بجد واضايقت بجد، فلما لقيت الصور طلعت تريند والناس صدقت فعلا قولتلهم اضربوني كمان .

-ما هي ديانة دوللي شاهين.. بعد تساؤل العديد من جمهورك؟

من أول ما دخلت الوسط الفني وأنا موضوع ديانتي ده شاغل الناس مش عارفه ليه، وأنا من اول ما خرجت قولت أنا مسيحية أنا أبويا اسمه جازاف، فأنا قولت من اول يوم، فالمستندات اللي طلعت طلعت من السفارة، واحنا مش بنشهر اسلامنا في السفارة، فاللي طلع وقال إني اسلمت ورجعت للمسيحية، فدي حاجه شخصية حد عايز يأذي حد.

ولما الصور دي نزلت كلمت اللي نزلت المستندات، وعلاقتي بيها كويسه، فأنا بتعامل مع الصحفيين إنهم هما اللي ليهم الفضل فأن أي حاجه ليا تنتشر، فكلمتها قولتلها قالي أنا مش مضرة أسالك واللي انت عايزاه اعمليه فقفلت السكة في وشها، فاللي أهو اتصدمت المفروض أنا عندي عشم متطلعش كده، فهي كان مبدأها تعمل تريند.

-هل دوللي شاهين بتتعمد إثارة الجدل؟

من أول ما طلعت وهما بيقولوا إني جريئة، أنا لا بتعمد ولا بثير أنا بعمل الحاجه بطبيعتي، دايمًا، وعادي وحتى من قبل السوشيال ميديا هما بيقولوا كده، وعايزه اقولك أنا والسوشيال ميديا بدأنا مع بعض من بعد فيلم ويجا، فشوفت الحاجات اللي بتتقال، فلقيت واحدة بتقول دوللي شاهين مش بنت اصلا، ولا بتعرف تمثل ولا بتغني أومال أنا اي؟.. وكانت ناقدة كبيرة، فباين كان قصدها على النعجة دوللي ودي كانت اول صدمة في حياتي خدتها.

فأنت لو مش شايفاني مش حلوه دي أذواق، عادي فالمفروض لو كده حتى تقول اي السبب، فالسوشيال ميديا دلوقتي مش فارقلهم أنت بتقدم فن أي بقى كل حاجه حياة الفنان الشخصية والفن بيجي آخر حاجه، السوشيال ميديا مش فارقلهم غير أنت عملت اي ولبست اي وسهرت فين، ومشروع الفنان دي آخر حاجه خالص، اما كله بيدخل في حياة الفنان الشخصية مش الفن.

-العديد اتهم محمد رمضان إنه سبب في انتشار الجرائم.. ما تعليقك؟

قبل محمد رمضان مكنش فيه قتل؟، كانت نسب الجرائم أقل، هو محمد رمضان دبح حبيبته في عمل فني؟.. لي كل ما بيت يبقى متفكك يقولوا الفن، لا المشكلة من البيت من جوا “الأم مدرسة إذا اعدتها اعدت شعبًا طيب الأعراض”، فنيجي نقول السبب المسلسلات لا العين من جوا نربي عيالنا كويس.

يعني مثلا أنا بنتي مش بتسمع مهرجانات، ولا مسلسلات محمد رمضان ليه؟.. عشان أنا مش عايزه، فالاساس من الأم، يعني مره كنت رايحة عند الدكتور، فالمدام اللي داخلة قابلي، كان معاها طفل 5 سنين، فاديته التليفون يسمع مهرجانات، فأنا استغربت انت اي اللي أنت عملتيه ده ده طفل صغير حرام، وانت كده مليتي دماغه، ان ده الصح.

يعني أنا بنتي مثلا مش بخليها تسمع راب امريكا، بكل الشتايم اللي بيقولوها، فكل طفل ليه سن معين، فأنت المفروض تعرف تحط في الشخص اللي هو مسؤوليتك انت مش مسؤلية محمد رمضان ازاي يستخدم الموضوع صح، يعني أنا مثلا كنت قاعدة مع بنتي أول امبارح فالتيك توك مطلعلي إني اراقب الحساب بتاعها، فبقولها اي رأيك، قالتلي يا ماماي ده برايفت، قولتلها لا خلاص.

فالمشكلة هنا مش الفن من البيت، الفن ممكن يعرضلك مشكلة يعني محمد رمضان بيحب الاستايل ده وناجح فيه حلال عليه، طب ما اللمبي كان ناجح ملقناش معاقين في الشارع، ده فن أنت بقى بتقدم رسالة، فالعيب من البيت، وأنا مش بقول إن الفن برئ، الفن مش وظيفته التربية، يعني أنا بنتي تتابع مسلسل بيشتم ليه، المسلسلات دي ليها سن معين، فلما اشغل لبنتي من سن سنتين مهرجانات يبقى العيب مني، الفن مش وظيفته إنه يعلمك، مش وظيفة الفنان دي وظيفة الأهل، احنا مش مدرسين.

ربنا يجحم قاتل نيرة أشرف، هل في سبب ان ربنا يقوله موافق على اللي انت عملته ده أنا مليش في اسبابه، مين اداك الحق انك تعمل كده، والناس اللي تطلع تدافع وتقول اصل اسبابه، مفيش حد في الدنيا ينفع يعمل كده، مفيش مبرر للقتل مهما كان، الانسان ملك ربنا ملكش حق تعمل فيه حاجه.

- سر ظهورك ضيفة شرف في أحد الأعمال الفنية رغم أنك كنتي من ضمن الأبطال؟

كنت ماضية فيلم سياسي، وجيت يوم التصوير لقيت الفيلم حاجه تانية خالص فكنت رافضة ادخل التصوير، فرفضت قولت أي ده، فهما اتصلوا بالنقابة والنقابة كلمتني، فرجعت اشتغل، تاني ولكن كان فيلم كوميدي ملوش لازمة، وطلعت ضيفة شرف بس كنت بروح التصوير اقعد بس، كنت بروح فعلا مش عايزه أمثل، وكنت واقفه ومحمد رضا واقف قدامي وأنا اقسم بالله ولا عارفة أمثل ولا عارفه اتكلم، وعملوا الدعاية بردوا باسمي، وكل حاجه باسمي وأنا مليش غير 5 مشاهد بس في الفيلم.

-كم يبلغ عمر دوللي شاهين؟

أنا لسه صغيرة لسه مكملتش 12 سنه، بنتي 12 أنا 13، في فرق شهر بيني وبينها، وأنا مش بيشغلني الناس عايزه اي أنا بيشغلني ربنا رايد ليا أيه، ربنا كاتب ليا اي هيحصل، فهشغل بالي مين بيفكر فيا ومين مش بيفكر فيا.

-تعليقك على التنمر على صورة الفنانة ميرفت أمين في عزاء المخرج علي عبد الخالق؟

علي عبد الخالق توفى امتى؟ يا نهار ابيض يا حرام، الناس اللي اتنمرت على ميرفت أمين دي مش هتعجز، احنا مش هنفضل صغيرين، وميرفت أمين كبرت، بس لسا زي القمر، انا مش فاهمة الناس دي بتتكلم انهم خالدين يعني، طبيعي يا جماعة نكبر ونفنى، وفيه تجاعيد لازم تطلع، ربنا يشفي منتقدي ميرفت أمين ويهديهم، أنا ممكن اكون مش جلوه ومعجبكش بس محدش ليه الحق يقولي ده في وشي، انتوا كده بتنتقم مني، الست عملت اي عشان تتنمر عليها ده طبيعي.

- ما الأقرب لقلب دوللي شاهين الغناء أم الفن؟

اول ما ابتديت، كنت بحب الغناء أكثر، أما دلوقتي الاتنين، والتمثيل حاجه عظيمة بعيش حياة مش حياتك ومش شبهك، تعيط على حاجه متوجعكش، تضايق من انسان مفيش بينك وبينه حاجه، يعني كان فيه مشهد مع فيدرا، في مسلسل المماليك كنت عايزه اقتلها، من كتر ما انا متغاظه منها، ومن كتر ما انا حسيت الشخصية وانها متأذية منها، وقولت عايزه اقتلها، من كتر ما أنا محروقة منها، فالتمثيل في طعم مش ممكن.

-ما حكمك على تجارك الزوجية؟

بحكم على تجاربي الزوجية بالفشل الذريع، بحكم تجاربي الزوجية السيئة جدًا في الحياة أنا بقيت تركيبة صعبة، وبقى فيه جوايا حاجات وحشه، وعندي من جوه 90 سنه، فعشان حد يعرف يتعامل مع الشخص اللي جوه صعب، والمساوئ هي اللي بتعمل الكائن، والبني ادم نتيجة خبرات حياته، كل مشكلة بتحصل بتلغي حسنه وتحط نقطة سودة فانمت عبارة عن نقط سودة وبتوصل انك مش بتميز الصح من الغلط، وبيكون معندكش ثقة في حد ومش بتصدق حد ومفيش حد بيحبك لشخصك، فده بيكون حكمك لاي حد بيجي في حياتك، وممكن ارتبط تاني مش عارفه.

-ما أصعب موقف في حياة دوللي شاهين؟

أصعب موقف في حياتي لما بابا توفى، الله يرحمه متوفي من 2008، فكنت متخيلة إن هيفضل موجود من أول ما اتولدت، وهتبقى موجود لما يموت، والدي متوفي وأنا عندي 22 سنه، واتصدمت بعد وفاته والدي كان قوي جدا ومش عيان ولا عنده حاجه، وكنت قبلها بيوم بحتفل بعيد ميلاد الاب وتورته وكان شعور حلو تاني يوم كان عندي حفله في مصر وطلعت على المسرح لقيتهم بيقولولي والدك توفى، فاللي هو اتشليت، فدي كانت اصعب حاجه في حياتي.

-أغرب موقف في حياة دوللي شاهين؟

كنت في حفلة في اسكندرية، فلقيت بنت ماشية ورايا بتقولي عايزه ذكرى منك فانا من النوع اللي مش بيلبس حاجه فكنت لابسه حلق فديتها فرده منه، فلقيت واحده تانية جاية فديتها فرده تانية، ولاقيت بقى زحمة والبنات حواليا بتقولي اديني جزمتك اديني جزمتك قولت دي كمان.

وأخيرًا.. ما هي أحدث أعمالك؟

دلوقتي بحضر أغنية جديدة من كلماتي هي هتكون مش لبناني ومش مصري لان اللهجة عندي فيها مشكلة دلوقتي، لان دلوقتي بتكلم لغات كتير، ودي شخصيتي دلوقتي، فأنا مش باين من طريقة ازاي بقول الكلام المصري من اللبناني.