عزة مصطفى تفجر مفاجأة عن صورة "طفل السطح" (فيديو)

علقت الإعلامية عزة مصطفى، على صورة "طفل السطح" الذي يذاكر أعلى سطح منزله على إضاءة عامود كهربائي نتيجة قطع النور في منزله من قبل الحكومة قائلة: "ارحموا الناس..الصورة في الهند مش في مصر.. السوشيال ميديا بتهيص في الهيصة؛ ومبتحاولش ترجع لمصدر وما أسهل إننا نتعاطف مع حدوتة أو نتعاطف مع صورة تتحط في السوشيال ميديا".

ارحموا الناس

وقالتمصطفى، خلال تقديمها برنامج "صالة التحرير"، المذاع عبر قناة "صدى البلد": "الكل قعد ينقط بطريقته على السوشيال ميديا الحقوا الطفل ده وحددوا إنه موجود في محافظة الدقهلية في مصر، وأنه يتيم الأب، وإن الحكومة قطعت النور عن بيت الطفل ده من 5 سنوات؛ لأن أهله مدفعوش فاتورة الكهرباء؛ فالولد قعد تحت عامود النور وبيذاكر، واتقال ارحموا الناس.. وأنا بقول من هنا ارحموا الناس؛ لأن الصور المنتشرة على السوشيال ميديا دي مش في مصر أصلًا؛ الصورة دي لو حد تعب نفسه شوية بسيطة وناس كتيرة بتقع في الغلط ده؛ منهم مثقفين اللي المفروض يبحثوا عن المصدر".

طفل هندي وتابعت الإعلامية، أن هذه الصورة لطفل هندي من مدينة فيروز آباد الهندية، لافتة إلى أن الهند وضعت هذه الصورة على السوشيال ميديا من أجل هدف معين؛ وهو توضيح فكرة وصول الإنارة لهذه المنطقة بعدما كانت محرومة من خدمات الكهرباء، معقبة: "الموضوع ملوش علاقة بمصر خالص، وبقولكم أرجوكم راجعوا المصدر وراجعوا الصورة؛ وده مش معناه إن مصر مفيهاش مشاكل؛ ودي صورة في الهند مش مصر".