أخواتها نصبوا عليها في مليون و700 ألف جنيه.. بكاء أسرة ضحايا مستريح الدولارات في مصر (فيديو)

مأساة حقيقية ومتكررة تعيشها أسرة "ميلاد" الذي تعرض للنصب من أشقاء والدته.

قالت والدة ميلاد خلال لايف موقع بصراحة: "أخواتي نصبوا على ابني في مبلغ مليون و700 ألف جنيه، أخواتي ملقوش غير ابني الغلبان عشان ينصبوا عليه ويضيعوا مستقبله، كان ضامنهم برقبته عشان كان فاكر أن الفلوس هترجع، كل يوم الناس تطالبنا بالفلوس وبنتبهدل كل يوم، خايفين نطلع من البيت عشان محدش سايبنا في حالنا، وخايفة على ابني لأنه كان عاوز ينتحر على الطريق الدائري اكتر من مرة، بقول يا رب دايما، ويا رب الحق يرجع لأصحابه".