محمد عيد يشكو من قلة مشاركته في أعمال فنية: جسمي ميسمحش لشغلانة تانية وجالي اكتئاب

أعرب الفنان محمد عيد الصغير، عن استيائه الشديد، بسبب قلة مشاركته في أعمال فنية، مشيرًا إلى أنه لا يعرف غير العمل بمجال الفن، نظرًا لجسده.

وقال محمد عيد خلال لقائه مع الاعلامي محمود سعد: أنا زعلان ومضايق ودلوقتي عايش مع أخواتي، وقلة مشاركتي في أعمال فنية جايبلي اكتئاب ومضايقني، ومفيش حد دور صغير كله نساني باين، من أيام الرجل الأبيض المتوسط،النقابة مش بتديني فلوس، ومفيش دخل داخلي.

قلة مشاركة محمد عيد في أعمال فنية

وواصل: أنا بشتغل في الكلاب واربيها، عشان اكسب منها،بقول لشركات الانتاج أنا موجود أنتوا ركنتونا كلنا، ومشتاق للتمثيل لأنه مجالي، ودلوقتي عايش على معاش والدتي اللي هو 500 جنيه ومش بيكفيني أنا بصرف كتير.

وأضاف:أنا مخلص ثانوية عامة، وقابلني كتير مواقف بايخه في حياتي ولكن أنا مبهتمش بالحاجات دي، ومعتش بزعل زي الأول من الناس اللي بتسخف، ومقدم على عربية دلوقتي عشان قدراتي، ومفيش شغلانه تانية غير التمثيل جسمي ميسمحش بشغلانه تانية، وكرهت الجواز.