ويجز يهاجم منتقديه: نفسي الناس تجاهد نفسها بعدين تيجي تجاهد عندي

هاجم مغني الراب ويجز، منتقديه في الفترة الأخيرة، ووجه لهم رساة طالبهم فيها بأن يجاهدوا أنفسهم قبل أن يجاهدوا لديه، بعد إحيائه حفل ضخم في العلمين وسط حضور جماهيري كبير.

وقال ويجز عبر "ستوري" بموقع إنستجرام: "مساء الفل يا جماعة نفسي الناس تجاهد نفسها بعدين تيجي تجاهد عندي، علشان مبقتش فاهم انت عندك مبدأين في الحياة جاي تطبقهم عليا!، لا طبقهم على نفسك".

وتابع "ويجز": "ولما الناس إن شاء الله يقولوا إنك أنت المثال الذي يحتذي به ،أهو أنا هحتذي بك وهاجي ايه أسألك، وأقولك أنت عملت كده إزاي بجد؟".

وأضاف: "أنا عايز أتعلم كل اللي عندك غير كده بجد بلاش الجهاد اللي هو أخش أقولك تعمل إيه ومتعملش إيه في حياتك ده غريب جدًا بجد، اتبسطتوا وخلوني اتبسطت".

ويستعد ويجز لإحياء حفل في الأردن يوم 2 سبتمبر المقبل، وكان قد وجه عبر حسابه على إنستجرام مقطع فيديو قال فيه عن شروط حضور الحفل: "بخصوص حفل الأردن، في حد قرر يطلع يقول إني عايز الناس كلها تلبس أبيض، لأ عادي يا جماعة، ممكن الناس كلها تلبس أحمر أو أزرق أو أخضر، أي لون إنت عايزه، طالما مش هيوجع عنينا، وطالما مش فسفوري، لأن مفيش حد ينفع يلبس فسفوري".