انا عاوز اكل عيش.. حمو بيكا يرد على مباردة محمد نور للصلح مع نقابة الموسيقيين

علق مؤدي المهرجانات حمو بيكا، على رسالة الدعم ومبادرة الفنان محمد نور لعودته للغناء من جديد والصلح بينه وبين نقابة المهن الموسيقية، قائلا:"شكرا لأخويا النجم محمد نور اللي أنت شايفه انا هعمله، أنا عاوز أكل في بلدي عشان أنا بحب جمهوري في بلدي".

حمو بيكا ونقابة الموسيقيين

وأضاف:" واللي حضرتك شايفه أنا معاك فيه، وعفا الله عما سلف وطبعا أي حد على دماغي ودي مبادرة كويسة منك شكرا لدعمك ليا، وأنا أخوهم الصغير".

وكان محمد نور، حرص على مساندة مؤدي المهرجانات حمو بيكا، لعودته للغناء من جديد،وقال في فيديو نشره عبر حسابه الشخصي بموقع التواصل الاجتماعي لتبادل الصور والفيديوهات القصيرة “انستجرام”: لكل أعضاء نقابة المهن الموسيقية أخوتنا الكبار، اللي طول عمرهم معانا في كل كبيرة وصغيرة، بعتذرلكم بالنيابة عن حمو بيكا، هو أكيد مكنش يقصد، الإنسان وقت الغضب مش بيعرف يقول إيه.

وواصل: هو بس عاوز يشتغل، ودي كلمة أثرت فيا طبعًا، ولكن ده ميديلوش أي حق إنه يغلط في أي حد من أساتذتنا الكبار، هو هيعتذر وعشان خاطري أنا تقبلو اعتذاره، أنا هجيبو وأجيلكم ونخلص الموضوع، أتمنى تقرأ الكلام ده وتعتذر، وهما مفيش أطيب منهم.