محمد نور يساند حمو بيكا لعودته للغناء: أكيد مكنش يقصد وهو عايز يشتغل
حرص الفنان محمد نور على مساندة مؤدي المهرجانات حمو بيكا، لعودته للغناء من جديد، بعد قرار وقفه عن الغناء لاسائته لنقابة المهن الموسيقية.
وقال محمد نور في فيديو نشره عبر حسابه الشخصي بموقع التواصل الاجتماعي لتبادل الصور والفيديوهات القصيرة “انستجرام”:لكل أعضاء نقابة المهن الموسيقية أخوتنا الكبار، اللي طول عمرهم معانا في كل كبيرة وصغيرة، بعتذرلكم بالنيابة عن حمو بيكا، هو أكيد مكنش يقصد، الإنسان وقت الغضب مش بيعرف يقول إيه.
وواصل:هو بس عاوز يشتغل، ودي كلمة أثرت فيا طبعًا، ولكن ده ميديلوش أي حق إنه يغلط في أي حد من أساتذتنا الكبار، هو هيعتذر وعشان خاطري أنا تقبلو اعتذاره، أنا هجيبو وأجيلكم ونخلص الموضوع،أتمنى تقرأ الكلام ده وتعتذر، وهما مفيش أطيب منهم.
وأضاف:الموضوع يخلص أنا بس تدخلت عشان عارف أنك طيب وفي حالك، وعندك جمهور بيحبك، وهما محترمين فوق الوصف، أهل وعيلة حقيقي مش نقابة، وعفا الله عما سلف.
وأختتم محمد نور قائلًا:شكرًا وأتمنى من الجميع محدش يغلط أو كده من الكومنتات، أنا فقط مقدرتش أسمع حد بيقول نفسي أشتغل وأنا محاولش أساعد، شكرًا للجميع طولت عليكو شكرًا لأستاذ أحمد رمضان والمايسترو الأستاذ حماده أبو اليزيد، وأنا متأكد أنكم هتتعاونو معايا، وده مش جديد عليكو.
جوجل نيوز
واتس اب
جوجل نيوز
