مجهود السنين وسهر الليالي ضاع.. انهيار أولياء أمور طلاب الثانوية العامة أثناء تقديم التظلمات (فيديو)

يواصل أولياء أمور طلاب الثانوية العامة، تقديم التظلمات على نتيجة الثانوية، بعد رسوب معظمهم وحصول البعض الآخر على درجات ضعيفة.

قالت إحدى أولياء الأمور خلال لايف موقع بصراحة: "امبارح جينا 8 الصبح ومشينا 8 بليل، مش عارفين ناخد ورقنا، نفسي أسأل وزير التعليم سؤال، إزاي امتحانات الدور التاني شغالة مع التظلمات يا سيادة الوزير، ولا واثق أننا مش هناخد درجات، أتحكم على المكافح أنه يعيد السنة إجباري، بس فيه ربنا أقوى من الكل، المفروض لو فيه تظلمات كان عملها قبل الامتحانات، مش كل دي فلوس برضه يا سيادة الوزير، محدش عاوز يعبرنا، عيالنا مكونش بيناموا وكانوا بيذاكروا ليل ونهار، بكرة ربنا يرد المظالم، كفاية فلوس الدروس والمراجعات، مفيش حد واخد درجة واحدة من التظلمات، طارق شوقي لسه ممشيش كده".