خالد الجندي: «اليوم اللي متشتمش فيه على مواقع التواصل بحس إني عاصي لله ومقصر»

علق الشيخ خالد الجندي على المنتحرين خلال الأيام الماضية: «حاجة خايبة أوي شاب زي الفلق طول بعرض، ويقولك أنا هنتحر، يا عم تنتحر ما تروح في داهية، البشرية نقصت أرشميدس يعني، عاوز تنتحر إلى نار جهنم وبئس المصير، إنت قتلت نفس.. تقوله انتحرت ليه يقولك أصل ظلموني، دا إحنا ملطشة ظلم، دا أنا اليوم اللي متشتمش فيه على مواقع التواصل بحس إني عاصي لله ومقصر، اللي بيتهاجم الأقوياء وأصحاب المواقف».

وأضاف“الجندي” خلال تقديمه لبرنامج “لعلهم يفقهون” على شاشة “dmc”: «يجب على الإنسان مقاومة الظلم وعدم الاستسلام له، ولا نرضى بالظالمين، مردفا: “الفكرة إزاي نتعامل في حالة الظلم، إنك تجاهد لآخر لحظة في مقاومة الظلم مش إنك تنتحر وتخرج من الملعب وتقول مش لاعب”، مؤكدا على أن جهنم بها متسع لخائري القوى، ولفاقدي العزيمة، وكل شخص قام بتأييد المنتحر على مواقع التواصل الاجتماعي، لأنه يشجع على الانتحار وتكرار التجربة».