بعد نجاح «ننه هو».. دوللي شاهين تكشف لـ«بصراحة» أحدث أغانيها

كشفت الفنانة اللبنانية دوللي شاهين عن أحدث أعمالها الغنائية وذلك بعد نجاح آخر أغانيها “ننه هو”، وتحقيقها نجاحًا كبيرًا منذ الوهلة الأولى من طرحها.

وقالت دوللي شاهين في تصريح خاص لـ”بصراحة”:ان شاء الله بحضر أغنية دلوقتي هي في مرحلة التوزيع هنزلها وعندي اغنيتين دراما هنزلهم في الشتا.

دوللي شاهين ترد على هجوم حلمي بكر

وكانت قد ردت دوللي شاهين على هجوم حلمي بكر على الأعنيةوقالتفي تصريح خاص لـ”بصراحة”: حلمي بكر على راسي يعني فنان كبير وليه مكانته وليه رأيه اما أنا مش بقدم أغنية طرب والحمد لله الأغنية مفيهاش ولا كلمة مسفه الابتزال والاسفاف اللي بيتكلم عنه مش موجودده كلام طبيعي بيقوله الناس العاديين.

وأضافت: هو لو معندوش ولاد وولاده بيتكلموا اللغة دي فدي حاجه تانية، انما كلنا بنتكلم اللغة دي، وبقى الطبيعي اللغة دي تكون موجوده في أغانينا ده طبيعي جدًا يعني ان احنا نتكلم عادي في الاغاني ده المطلوب.

وواصلت: الأغاني لازم تمثل الحياة اليومية بتاعتنا، وده اللي بيحصل بره، وده اللي هيحصل في الفترة اللي جايه، وازاي احنا بنتكلم عن حياتنا اليومية، والتطور في الكلام بتاع الاغاني والشعبي كلامنا العادي طريقة التعبير كل يوم بتختلف.