كلنا بنغني باللغة دي.. دوللي شاهين ترد على هجوم حلمي بكر على أغنية «ننه هو» |خاص

ردت الفنانة اللبنانية دوللي شاهين على هجوم الموسيقار حلمي بكر على أحدث أغانيها التي حملت اسم “ننه هو”، وحققت نجاحًا واسعًا منذ الوهلة الأولى من طرحها.

وقالت دوللي شاهين في تصريح خاص لـ”بصراحة”: حلمي بكر على راسي يعني فنان كبير وليه مكانته وليه رأيه اما أنا مش بقدم أغنية طرب والحمد لله الأغنية مفيهاش ولا كلمة مسفه الابتزال والاسفاف اللي بيتكلم عنه مش موجودده كلام طبيعي بيقوله الناس العاديين.

وأضافت: هو لو معندوش ولاد وولاده بيتكلموا اللغة دي فدي حاجه تانية، انما كلنا بنتكلم اللغة دي، وبقى الطبيعي اللغة دي تكون موجوده في أغانينا ده طبيعي جدًا يعني ان احنا نتكلم عادي في الاغاني ده المطلوب.

وواصلت: الأغاني لازم تمثل الحياة اليومية بتاعتنا، وده اللي بيحصل بره، وده اللي هيحصل في الفترة اللي جايه، وازاي احنا بنتكلم عن حياتنا اليومية، والتطور في الكلام بتاع الاغاني والشعبي كلامنا العادي طريقة التعبير كل يوم بتختلف.

حلمي بكر يهاجم دوللي شاهين

من جانبه كان قد شن الملحن حلمي بكر هجوماً حاداً على النجمة دوللي شاهين، وذلك بعد طرحها أحدث أعمالها الغنائية “ننه هو”، واصفاً الأغنية بـ “الرخيصة”.

وقال في مداخلة هاتفية لبرنامج «خط أحمر» الذي يقدمه الإعلامي محمد موسى على قناة الحدث اليوم، مين سمح لها تفتح استوديو؟ الناس اللي بدّافع عن الأغاني دي مفروض يتكسفوا على دمهم إنما هما مغيبين، دي نوعية رخيصةوالجهات الرقابية معملتش حاجة ضدهم .

تابع الموسيقار حلمي بكر: هذه الأغاني التي تحتوي على كلمات خادشة ستأكل الأخضر واليابس، مضيفا: «مؤدو المهرجانات سرقوا أوبريت الحلم العربي وحطوا عليه كلام رخيص.