«عيب».. محمود عامر: حديثي عن أزمتي المادية اتفهم غلط |خاص
![محمود عامر محمود عامر](https://media.besraha.com/2023/8/large/4/7/354.jpg)
كشف الفنان محمود عامر حقيقة قلة مشاركته في أعمال فنية وأنه يعاني من حالة مادية صعبة، مشيرًا إلى أن حديثه فُهم خطأ ولم يقصد ذلك.
وقال محمود عامر في تصريح خاص لـ”بصراحة”: عيب أنا مقولتش أني محتاج شغل وغير قادر على العمل، ولا قولت حالتي المادية صعبة ولا حاجه من دي خالص، في ناس حرفت كلامي، وانا كنت بتكلم على كافة الفنانين، مش عليا خالص.
وواصل: أنا قولت إن الفنان يقهر من قعدته في البيت من غير عمل وإن مينفعش الفنان بعد ما يعمل دور كبير ينزل يعمل شخصية صغيرة لكن اللاقي كلامي متحرف لا بجد حرام، اتمنى إن كلامي يتاخد بصدق.
وأشار محمود عامر إلى أنه عمل في الماراثون الرمضاني الماضي في مسلسل المداح، ويصور في الفترة الحالية عمل فني جديد، ومشاركته في أعمال فنية مستمر، ويتمتع بصحه جيدة.
محمود عامر يوجه رسالة للمنتجين
من جانبه كان قد وجه الفنان محمود عامر رسالة للمخرجين، وقال خلال لقائه ببرنامج “بنت البلد”:ليه بتبخل بفرصة على بعض الفنانين وبندور في حلقة مفرغة بين 5 أو 6، وأنا من حقي بعد هذا العمر الطويل أني أستمتع لأني بمارس الفن بحب وبكون مبسوط.
وأضاف:بقول للمنتجين في مصر بلدنا ونقابتنا مليانة فنانين عظام وأصعب شيء على الفنان إنه يكون عاطل ويقهر في نفسه،«أنا حبيت أعمل التجربة دي ولكن بمحتوي مختلف عن أي محتوى آخر، أنا قدمت حاجة اسمها (حكاية حصلت معايا) تجارب فنية كتير جدا وبشكل لذيذ.
وتابع:لكن اللي هما عاوزينه حاجات مش بتاعتنا وأنا معرفش أعمل ده،عزيزي المنتج أنا بتمنى لك كل الخير، وبقول لك إنه فيه فنانين كتار أوي أوي موجوعين بالكرامة وعاوزين يشتغلوا لأنهم هيضيفوا للعمل، أرجوك فتش وهتلاقي كنوز كتير في مصر وربنا يوفقك.