بعد الهجوم عليها.. حورية فرغلي: مش هغني مهرجانات تاني وكنت عايزه أجرب بس

أعربت الفنانة حورية فرغلي عن حزنها الشديد، بسبب الهجوم عليها بسبب كلمات أغنية القطة السافلة، التي طرحتها مؤخرًا بمشاركة مطرب الراب جيفارا بابلو.

وقالت حورية فرغلي خلال لقائها ببرنامج “et بالعربي”: أنا وافقت على ألاغنية لأني بحب المهرجانات الشعبية فقولت أجرب، وأنا آسفة لو جمهور زعل مني ومش هغني تاني مهرجانات، وأنا كنت عايزة أجرب أغني مع جيفارا.

وواصلت:في ممثلات كتيرة جدًا غنوا مع ناس من مهرجانات، وكلام الأغنية عادي ومعرفش سبب الهجوم، لكن حسيت أن في حد عايز يأخذ كلامي ويهاجمني بشكل عام.

حورية فرغلي لـ”بصراحة”: لم اتعاطف مع قاتل نيرة أشرف

من جانبه كانت قد كشفت الفنانة حورية فرغلي، حقيقة تعاطفها مع محمد عادل قاتل نيرة أشرف، مشيرة إلى أنه مجرم ولا يمكن التعاطف معه.

وقالت حورية فرغلي في تصريح خاص لـ”بصراحة”: أنا متعاطفتش مع محمد عادل قاتل نيرة أشرف، ازاي هتعاطف مع مجرم العالم كله اتجمع عليه وقال مجرم.

وواصلت: هو بس اللي قولته إن حب نيرة حب مرض وحب يمتلكها بأي طريقة، لدرجة إنه قتلها، ومادام قتلها يبقى لازم يموت، وأنا عمري ما اتعاطف مع مجرم.