رجاء حسين قبل وفاتها: نفسي لما أموت الناس تترحم عليا لأني وحيدة

توفيت الفنانةرجاء حسين، صباح اليوم الثلاثاء، عن عمر يناهز 84 عامًا، بعد معاناه طويلة مع المرض، وتركت في قلوب محبيها حزنًا واسعًا، ومن المقرر تشييع جثمانها بعد صلاة الظهر.

وكانت آخر تصريحات الفنانة رجاء حسين قبل وفاتها تشتكي فيها عن الوحدة، حيث قالت: عندى أمنية واحدة بس عندما أتوفي أتمنى أن الناس اللي بتحبني تترحم عليا وأنا وحيدة ماليش غير بنتي بس أنا عمري ما قلت الكلام ده لشخص لكن أنا حاسه أنك إنسانة كويسة أوى وأنا احساسي هو اللي بيحركني.

وواصلت: أنا مليش حد في الدنيا، ومليش أخوات ولا خالات ولا عمات أنا وحيدة ومكنش ليا غير سيف وبنتي وابني ده اللي خلاني استحملت العمر ده كله، لأني كنت عايزة أربيه هو واخواته من ابوهم تربية كويسة أنا من الناس اللي مؤمنين بأن طالما فيه أطفال.

وأضافت: فإن عدم الانفصال هو الأصح حتى لو كان على حساب سعادتي وكرامتي لأني كده كده رايحة خلاص لكن الجيل الجديد ده لازم يتربى وينشأ في بيئة سوية، أي ست بتطلق وعندها أولاد، وليس لديها السبب القوي اللي يوصلها للمرحلة دي هي ست عايزة الحرق.

رجاء حسين: مش بحب أي راجل مربي دقنه

من جانبه كانت قد آثارت الفنانةرجاء حسين، حالة من الجدل الواسع حول عدم محبتها لرؤية الرجال بالذقن، قائله: “مش بحب أي راجل مربي دقنه حتى لو راجل ماشي بدقن في الشارع بحسه مش نضيف وجاء رايي ضمن مسلسل بطلوع الروح، كونه يتناول قصة عن تنظيم داعش الإرهابي”.

و أضافت حسين في تصريحات خاصة لموقع بصراحة، “لا يوجد الآن دارما ولا سينما ولا تليفزيون”.

وتابعت أن مسلسل الاختيار من افضل المسلسلات ومن أعظمها و المسلسل يوثّق كل الأحداث كي لا تقول الجماعات المعارضة لمصر أن الأحداث مُفبركة، وأنه يرصد إلى أين كانت مصر ذاهبة في وقت حُكم الإخوان.