مراد مكرم : كلمة البقاء لله ايه لازمتها ؟

نشر الفنان مراد مكرم، منشور عبرحسابه على موقع التواصل الاجتماعي فيسبوك، يتساءل عن فائدة كلمة البقاء لله.

قائلاً:مش عارف انا الوحيد الي بفكر كده ،ولا فيه حد بيفكر زيي، كلمة البقاء لله ما فيهاش اي تعذيه لأهل المتوفي ،يعني البقاء لله دي من المسلمات ،انته بتوصله ايه،معلش كلنا هنموت؟؟؟ و دي فيها تعذيه ايه ...وليه اصلا ؟ ما اهل المتوفي عارفين ان البقاء لله ،ضيفت انت ايه بقي ،فين الله يرحمه و يحسن اليه و يصبرك،فين البقيه في حياتك ؟ فين طولة العمر ليك ؟ زي برضه لما حد يعملك حاجه فتشكره ،فيقولك الشكر لله؟ لا ونبي؟ ضيفتلي انت كده بقي معلومه،اصلي ما كنتش اعرف اننا لازم نشكر ربنا.

وتابع: يابني الشكر لله من قبل و من بعد بس انا بشكرك انت لانك عملتلي حاجه ،ساعدتني في حاجه،فين العفو،فين علي راسي ....يعني ينفع اقولك صباح الخير تقولي الشمس بتشرق من الشرق؟؟؟؟ هو ليه جو البديهيات ده؟ ايه لازمتها يعني؟